Changiz Sigarchi
یار دڵی خوێنین و چاوی پڕ لە گریانی دەوێ ئارێ ئارێ گوڵ لە باخان ئاوی بارانی دەوێ هەرکەسێ ڕووی تۆ دەبینێ، خۆی بە قوربانت دەکا چونکە ئەبرۆی تۆ هیلالی عیدە، قوربانی دەوێ ئاو لە چاوانم بەخوڕ دێ، ئاگری دڵ ناکوژێتەوە وەک جەهەننەم ئەم تەنوورە ئاوی تۆفانی دەوێ عەشق سوڵتانێکە هەر گا ڕوو لە وێرانێ بکات ئاهی سەرد و ئەشکی گەرم و قەلبی بوریانی دەوێ دوور لە تۆ دڵ هێندە بێئارام و بێحاڵ کەوتووە ئەی مەسیحای عەسر! لەو لێوانە دەرمانی دەوێ ڕووم ئەوا زەرد بوو وەکوو پاییز لە هیجران نالیا عەشق ئێستاکەش لە من سەیلی بەهارانی دەوێ
Yar dilî xwênîn û çawî pir le giryanî dewê Arê arê gul le baxan awî baranî dewê Herkesê rûy to debînê, xoy be qurbanit deka Çunke ebroy to hîlalî ’îde, qurbanî dewê Aw le çawanim bexur dê, agirî dil nakujêtewe Wek cehennem em tenûre awî tofanî dewê ’eşq sultanêke her ga rû le wêranê bikat Ahî serd û eşkî germ û qelbî buryanî dewê Dûr le to dil hênde bê’aram û bêhal kewtuwe Ey mesîhay ’esir! lew lêwane dermanî dewê Rûm ewa zerd bû wekû payîz le hîcran nalya ’eşq êstakeş le min seylî beharanî dewê