Jalal Malaksha
شەکەت، ماندوو بریندار و لەخوێنگەوزاو بەڵام سەربەرز و سەرکەوتوو گەیشتینە ئەم هەوارە ڕێگایەکی دوورودرێژمان بڕیوە هەنگاو بە هەنگاوی ڕێگا شەتڵی گیان و شکۆفەی خوێنی شەهیدە و لە ساحەی شۆڕشدا چندراوە بە ئەشکی گەش ئاو دراوە مێژوویەکی پڕکارەسات هەر وەرەقێ تەژی لە ئەسرین و زووخاو بە قەڵەمی ئەویندارێکی نووسراوە گەلۆ سووکی لێ مەڕوانن بەها و قەدری ئەم چیانە هەرزان نییە زۆر گرانە دەریا، دەریا، خوێنە! گیانە لە قووڵترین خەرەندی مێژووەوە وەڕێ کەوتین ئاوڕێک بۆ دوا بدەنەوە ئەو ڕێگایە بە کەلاک و کاسەی سەرمان داپۆشراوە لە هەر شەقاوێکا گۆڕی شەهیدێکە ئەم خاکە گەر هەڵدەنەوە کۆگای پرچ و بسکی خاو و چاوی جوان و لێوی ئاڵ و باڵای عەرعەری نازداری تیا نێژراوە ئەم کاروانە، داری خەم و خوێن و ئیمان و ئامانجە زۆر جار کەوتین زۆر جار بەرد و تاوێران گەلەکۆمەیان لێ کردین هەستاینەوە و هەر نەمردین دیسان بەرەو لوتکەی ئامانج هەڵکشاین مەرگ نەیتوانی ڕێگای ژیانمان پێ بگرێ پلەپلە تەرمی خۆمان سەر یەک دانا و بە قادرمەی جەستەی خۆماندا سەر کەوتین. ڕێگا، ڕێگە چ ڕێگایەکی ئاستەنگ بوو ئاسمان قەڵەمڕەوی داڵ و زەوی عەرسەی مار و دووپشک لای خواروومان خەرەندێکی قووڵ و هەزاربەهەزار و لای سەروومان هەڵەمووت و چوار تەنیشتمان ئاگر و ئاسن بۆ پڕووز و چەقەوڕی سووتمانی گۆشت و ئێسقان بوو لە ئەم قۆناغ بۆ ئەو قۆناغ سەدان جار کەوتین و هەستاینەوە منداڵ گاڵتەی بە مەرگ ئەکرد لە سێبەری ڕەشی مەرگا پلانی ژینمان دادەڕشت هەرزانترین کالا، گیان بوو مێژوو دەڵێ، من نانووسم کورد بۆ ژیان بە ناو دڵی مەرگا دەچوو ئەنفال، هەڵەبجە، بادینان کایلەو کوچکەڕەشی سنە و چوارچرای مەهاباد و شەقامەکانی قامیشلی زیڕە و هاواری گەرمیان شایەتمانن مێژوو دەڵێ، من نانووسم
Şeket, mandû Birîndar û lexwêngewzaw Belam serberz û serkewtû Geyştîne em heware Rêgayekî dûrudrêjman birîwe Hengaw be hengawî rêga Şetlî gyan û şikofey xwênî şehîde û Le sahey şorişda çindirawe Be eşkî geş aw dirawe Mêjûyekî pirkaresat Her wereqê tejî le esrîn û zûxaw Be qelemî ewîndarêkî nûsrawe Gelo sûkî lê merwanin Beha û qedrî em çyane Herzan nîye Zor girane Derya, derya, xwêne! Gyane Le qûltirîn xerendî mêjuwewe werê kewtîn Awrêk bo dwa bidenewe Ew rêgaye Be kelak û kasey serman dapoşrawe Le her şeqawêka gorî şehîdêke Em xake ger heldenewe Kogay pirç û biskî xaw û çawî cwan û lêwî al û Balay ’er’erî nazdarî tya nêjrawe Em karwane, Darî xem û xwên û îman û amance Zor car kewtîn Zor car berd û tawêran gelekomeyan lê kirdîn Hestaynewe û her nemirdîn Dîsan berew lutkey amanc helkişayn Merg neytiwanî rêgay jyanman pê bigrê Pileple termî xoman ser yek dana û Be qadirmey cestey xomanda ser kewtîn. Rêga, rêge Çi rêgayekî asteng bû Asman qelemrewî dal û Zewî ’ersey mar û dûpişk Lay xwarûman xerendêkî qûl û hezarbehezar û Lay serûman helemût û Çwar tenîştiman agir û asin Bo pirûz û çeqewrî sûtmanî goşt û êsqan bû Le em qonax bo ew qonax Sedan car kewtîn û hestaynewe Mindal galtey be merg ekird Le sêberî reşî merga Pilanî jînman daderişt Herzantirîn kala, gyan bû Mêjû delê, min nanûsim Kurd bo jyan be naw dilî merga deçû Enfal, helebce, badînan Kaylew kuçkereşî sine û Çwarçiray mehabad û şeqamekanî qamîşlî Zîre û hawarî germyan şayetmanin Mêjû delê, min nanûsim