Khana Mamle
ئاخ ڕۆڵە ڕووناکی گلێنەی چاوم بەندی جەرگ و دڵ هێزی هەناوم ڕیحانەی بۆنخۆش سوورەگوڵەکەم ئاوپڕشکێنەی کوڵی دڵەکەم چۆڵەمەی ئەستۆم ڕەگی حەیاتم هەنگوین و قەند و نوقڵ و نەباتم خەوی خێرت بێ دە بنوو درەنگە تا کەڵەبابەی بەیان بێدەنگە هەی لایە لایە ڕۆڵە لای لایە مات بە پێت بڵێم لەبەر چی وایە ژیر بەوە ڕۆڵەی ژیر و جوانم لە داخی لانک دەگری دەزانم دەڵێی بۆ حەپسم بۆ دەستەبەستم بەو بەند و حەپسە من جەستە خەستەم لەنێو کورد نەبێ دەسرازە نییە ئەو بەند و قوفڵە و قەڕازە نییە کوڕە من بیرم لە تۆ زیاترە دەسرازە و لانک بتبێ چاترە هەی لایە لایە ڕۆڵە لای لایە مات بە پێت بڵێم لەبەر چی وایە کوڕم پێتخۆشە یەخسیر نەمێنی سەربەست پێت بڵێم بکەوە شوێنی قەڵەم دەست دەیە ببە مەکتەبی وەخت و بێ وەخت لە خوێندن نەبی ئەو کاتە لەگەڵ کاکت دوو بە دوو بکەن هاواری حەقی لەدەستچوو دەست لە ناو دەست نێن بە ڕا و تەگیبر یەکتان بە قەڵەم یەکتان بە شەمشیر ئەی لایە لایە ڕۆڵەی لای لایە هەزار تێبینی دواڕۆژم لایە دەسرازە: ئەو پەتە پانەی بە بەنی ڕەنگاوڕەنگ وەک کەژوو دەیهۆننەوە بۆ بەستنەوەی دەست و لاقی منداڵ لە لانکەدا. قەڕازە: زنجیری شت بەستن. هۆنراوە: هەژار
Ax role rûnakî gilêney çawim Bendî cerg û dil hêzî henawim Rîhaney bonxoş sûregulekem Awpirişkêney kulî dilekem Çolemey estom regî heyatim Hengiwîn û qend û nuqil û nebatim Xewî xêrit bê de binû direnge Ta kelebabey beyan bêdenge Hey laye laye role lay laye Mat be pêt bilêm leber çî waye Jîr bewe roley jîr û cwanim Le daxî lank degrî dezanim Delêy bo hepsim bo destebestim Bew bend û hepse min ceste xestem Lenêw kurd nebê desraze nîye Ew bend û qufle û qeraze nîye Kure min bîrim le to zyatre Desraze û lank bitbê çatre Hey laye laye role lay laye Mat be pêt bilêm leber çî waye Kurim pêtxoşe yexsîr nemênî Serbest pêt bilêm bikewe şwênî Qelem dest deye bibe mektebî Wext û bê wext le xwêndin nebî Ew kate legel kakit dû be dû Biken hawarî heqî ledestiçû Dest le naw dest nên be ra û tegîbir Yektan be qelem yektan be şemşîr Ey laye laye roley lay laye Hezar têbînî dwarojim laye Desraze: ew pete paney be benî rengawreng wek kejû deyhonnewe bo bestinewey dest û laqî mindal le lankeda. Qeraze: zincîrî şit bestin. Honrawe: Hejar