Fatah Khurasana
بەندی جەرگ و دڵ هێزی هەناوم ڕیحانەی بۆنخۆش سوورەگوڵەکەم ئاوپڕشکێنەی کوڵی دڵەکەم چۆڵەمەی ئەستۆم ڕەگی حەیاتم هەنگوین و قەند و نوقڵ و نەباتم خەوی خێرت بێ بنوو درەنگە تا کەڵەبابی بەری بەیانی بێدەنگە هەی لایە لایە ڕۆڵە لای لایە ئەوشۆ بەزەییت بە مندا نایە ژیر بەوە ڕۆڵەی ژیر و جوانم لە داخی لانک دەگری دەزانم دەڵێی بۆ حەپسم بۆ دەستەبەستم بەو بەند و حەپسە من جەستە خەستەم لەنێو کورد نەبێ دەسرازە نییە ئەو بەند و قوفڵە و قەڕازە چییە؟ کوڕم من بیرم لە تۆ زیاترە دەسرازە و لانک بتبێ چاترە هەی لایە لایە ڕۆڵە لای لایە گوێ بگرە پێت بڵێم لەبەر چی وایە ڕاستە تۆ نەتەوەی شێری ژیانی نەتەوەی پاکی گەلی کوردانی بەڵام چونکە کورد ئەوڕۆ بێکەسە بەشیان لە دنیا کۆت و مەحبەسە بۆیە دەتپێچم تا خووی پێ بگری نەک تاکوو ماوم لە بەندا بمری بۆ چارەڕەشیت نەماوە تینم هەر پێم خۆش نییە مەرگت ببینم هەی لایە لایە ڕۆڵە لای لایە هەزار تێبینی دواڕۆژم لایە بۆت بەخت دەکەم عومری درێژم سەت تاڵ و سوێریت لەسەر دەچێژم نەمامی باڵات بە فرمێسکی چاو شەو و نیوەشەو لێی دەنێم شەواو سەت چاک و پیرت بۆ دەخولێمەوە لە بن سێبەرتدا بحەسێمەوە هەی لایە لایە ڕۆڵە لای لایە ئەوشۆ بەزەییت بە مندا نایە دەسرازە: ئەو پەتە پانەی بە بەنی ڕەنگاوڕەنگ وەک کەژوو دەیهۆننەوە بۆ بەستنەوەی دەست و لاقی منداڵ لە لانکەدا. قەڕازە: زنجیری شت بەستن. هۆنراوە: هەژار
Bendî cerg û dil hêzî henawim Rîhaney bonxoş sûregulekem Awpirişkêney kulî dilekem Çolemey estom regî heyatim Hengiwîn û qend û nuqil û nebatim Xewî xêrit bê binû direnge Ta kelebabî berî beyanî bêdenge Hey laye laye role lay laye Ewşo bezeyît be minda naye Jîr bewe roley jîr û cwanim Le daxî lank degrî dezanim Delêy bo hepsim bo destebestim Bew bend û hepse min ceste xestem Lenêw kurd nebê desraze nîye Ew bend û qufle û qeraze çîye? Kurim min bîrim le to zyatre Desraze û lank bitbê çatre Hey laye laye role lay laye Gwê bigre pêt bilêm leber çî waye Raste to netewey şêrî jyanî Netewey pakî gelî kurdanî Belam çunke kurd ewro bêkese Beşyan le dinya kot û mehbese Boye detpêçim ta xûy pê bigrî Nek takû mawim le benda bimrî Bo çarereşît nemawe tînim Her pêm xoş nîye mergit bibînim Hey laye laye role lay laye Hezar têbînî dwarojim laye Bot bext dekem ’umrî dirêjim Set tal û swêrît leser deçêjim Nemamî balat be firmêskî çaw Şew û nîweşew lêy denêm şewaw Set çak û pîrit bo dexulêmewe Le bin sêbertida bihesêmewe Hey laye laye role lay laye Ewşo bezeyît be minda naye Desraze: ew pete paney be benî rengawreng wek kejû deyhonnewe bo bestinewey dest û laqî mindal le lankeda. Qeraze: zincîrî şit bestin. Honrawe: hejar