Azad Khanaqini
عەزاپۆشەکان با بێن و بە دیار مۆمەکانی غەریبییەوە دەرسی عیشق لەلای حەزرەتی مەحوی بخوێنن هەی بێن و یاقووتەکانی خۆشەویستی بخەینە بەر بارانی خەونە نێزگزییەکان بێن و گوڵێک لە بەرۆکی پاکیزەیی ئەستێران بدەین پێکەوە بچینەوە نێو لەزەت و تامەزرۆبوون هەی بێن و باخچەکان پڕ کەین لە نووری پاکی عیشق و لەبەردەم گوڵالەکانی مەحوییا شەرابێک بۆ ئەوین بخۆینەوە گۆرانییەک بۆ غەریبی بڵێین لە ڕۆژێ هەڵدرا ئەم کۆنە خەیمەی تان و پۆ شینە لە سایەیدا شەرابی بەزمی عوشرەت گریە جۆشینە دەبینی جێیەک ئەمڕۆ بەزمی عەیش و بادە نۆشینە سبەینێ زوو زەمانە وەزعی گۆڕیوە، لە نۆ شینە لە کێ پرسم دڵی بۆ پڕ لە خوێنی حەسرەتە یاقووت؟ عەزاپۆشی چیە و کێیە، جلی پیرۆزە بۆ شینە! بەهارێکی کە داخۆ بێ، نەیێ، هەی بێن و شینێ کەین فەلەک هەر شینە، سەحرا شینە، کێو و لێوی جۆ شینە لە سەیری خەستەخانەی عیشق ئەوی سەوزەی کە وا شینە لە سەر هەر خەستە دێ خوێندن یاسینە، یا شینە شەهیدی غەمزەیە بەعزێ، سەقیمی عیشوەیە جەمعێ دیارە، سەرنویشتی ئەهلی دڵ یا سینە یا شینە لە سەیری خەستەخانەی عیشق ئەوی سەوزەی کە وا شینە لە سەر هەر خەستە دێ خوێندن یاسینە، یا شینە بە سەر دڵ دا لە قاپی فەیزەوە دێ نەشئە پەی دەر پەی چ غەمزەی دیدە مەخموورێکە ئەم شەو کون دەکا سینە لە سەیری خەستەخانەی عیشق ئەوی سەوزەی کە وا شینە لە سەر هەر خەستە دێ خوێندن یاسینە، یا شینە هەناسەم دا بە ناڵە عەرزی حاڵی کەم کە تاساوە لە خوێناوی دڵ و جەرگم دەروونم کەیلە تا سینە
’ezapoşekan ba bên û be dyar momekanî xerîbîyewe dersî ’îşq lelay hezretî mehwî bixiwênin Hey bên û yaqûtekanî xoşewîstî bixeyne ber baranî xewne nêzgizîyekan Bên û gulêk le berokî pakîzeyî estêran bideyn Pêkewe biçînewe nêw lezet û tamezrobûn Hey bên û baxçekan pir keyn le nûrî pakî ’îşq û leberdem gulalekanî mehwîya şerabêk bo ewîn bixoynewe Goranîyek bo xerîbî bilêyn Le rojê heldira em kone xeymey tan û po şîne Le sayeyda şerabî bezmî ’uşret girye coşîne Debînî cêyek emro bezmî ’eyş û bade noşîne Sibeynê zû zemane wez’î gorîwe, le no şîne Le kê pirsim dilî bo pir le xwênî hesrete yaqût? ’ezapoşî çye û kêye, cilî pîroze bo şîne! Beharêkî ke daxo bê, neyê, hey bên û şînê keyn Felek her şîne, sehra şîne, kêw û lêwî co şîne Le seyrî xestexaney ’îşq ewî sewzey ke wa şîne Le ser her xeste dê xwêndin yasîne, ya şîne Şehîdî xemzeye be’zê, seqîmî ’îşweye cem’ê Dyare, serniwîştî ehlî dil ya sîne ya şîne Le seyrî xestexaney ’îşq ewî sewzey ke wa şîne Le ser her xeste dê xwêndin yasîne, ya şîne Be ser dil da le qapî feyzewe dê neş’e pey der pey Çi xemzey dîde mexmûrêke em şew kun deka sîne Le seyrî xestexaney ’îşq ewî sewzey ke wa şîne Le ser her xeste dê xwêndin yasîne, ya şîne Henasem da be nale ’erzî halî kem ke tasawe Le xwênawî dil û cergim derûnim keyle ta sîne