Shorish Mahmoodi
دەڵێم بڕۆم لەو شارە جێ بێڵم ئەو دیارە بە بێ تۆ چۆن بسرەوێ ئەو دڵە دەردەدارە هەر کەس بە دڵ عاشق بێ وەکوو من کۆڵەوارە توخودا جوانی بێ وێنە تاوێک سەرت هەڵێنە شێت و شەیدای باڵای تۆم جارێکی بمدوێنە شووشەی دڵی بێگەردم زۆر ناسکە مەیشکێنە سوێندێ دەخۆم بە چاوت چاوی سورمە کێشاوت سەد جار بە ڕەوتی جوانی و قەد و باڵای لەولاوت تازە ڕزگاریم نایە لە بەستەی زولفی خاوت توخوداکەی مەمکە لۆمە عومرێکە دڵ بەسۆمە بەندی عەشق و ئەوینت هەر بە دڵ لە ئەستۆمە ئەگەر دەریا و باران بم هێشتا هەر تونیی تۆمە جوانی دەورە و زەمانە دنیا بە تۆوە جوانە بێ تۆ و سوبح و نیوەڕۆم هەر وەک بانگی شێوانە شووشەی عومریشم بشکێ ناشکێنم ئەو پەیمانە ئۆخەی ئۆخەی چاوڕەشم بێ تۆ خەم بووەتە بەشم عاشقی بەژن و باڵاتم جارێک وەرە باوەشم نازدارەی نازەنینم تاقانەی خوێنشیرینم سەرم بێ بە سەرگەردت سەرمایەی عومر و ژینم سەد بێستوونت بۆ دەکەم گەر تۆ بی بە شیرینم ئۆخەی ئۆخەی چاوڕەشم بێ تۆ خەم بووەتە بەشم عاشقی بەژن و باڵاتم جارێک وەرە باوەشم
Delêm birom lew şare cê bêlim ew dyare Be bê to çon bisrewê ew dile derdedare Her kes be dil ’aşiq bê wekû min koleware Tuxuda cwanî bê wêne tawêk serit helêne Şêt û şeyday balay tom carêkî bimdiwêne Şûşey dilî bêgerdim zor naske meyşkêne Swêndê dexom be çawit çawî surme kêşawit Sed car be rewtî cwanî û qed û balay lewlawit Taze rizgarîm naye le bestey zulfî xawit Tuxudakey memke lome ’umrêke dil besome Bendî ’eşq û ewînit her be dil le estome Eger derya û baran bim hêşta her tunîy tome Cwanî dewre û zemane dinya be towe cwane Bê to û subih û nîwerom her wek bangî şêwane Şûşey ’umrîşim bişkê naşkênim ew peymane Oxey oxey çawreşim bê to xem buwete beşim ’aşiqî bejin û balatim carêk were baweşim Nazdarey nazenînim taqaney xwênşîrînim Serim bê be sergerdit sermayey ’umir û jînim Sed bêstûnit bo dekem ger to bî be şîrînim Oxey oxey çawreşim bê to xem buwete beşim ’aşiqî bejin û balatim carêk were baweşim