Hisam Lurnjad
تۆ وەختێ جوورێ کەڵێ مەس خەرامان چیدنە سەیران خوەدیش زانی چەنی شیتن چەنی عاشق چەنی وێران حەنای لوو لوو لە لەولاوەیلێ گیسد خەیدنە سەر شان یەکی خوەی کەیدنە نەزرد یەکی گیان کەیدنە قوربان م زانم ئاخرم دەردە پەنا وە کی بووەم ئاخر!؟ هزار هاوار لە ئەو چاوە ئەمان لەو زولفە سەد ئامان م هامە ئەزرەتێ ڕووژی سەر و گیانم بیەم ئەڕاد نە دڵ قەرار گری لە ساد نە سەر دیری ئەڕاد سامان تۆ نازکتر لە گوڵباخی شەماڵ لە شوونێ تۆ یاخی بوو عەترێ گیسێ تۆ بەیدن وە لای شەوبوو وەرەو باخان تۆ وەختێ جوورێ کەڵێ مەس خەرامان چیدنە سەیران خوەدیش زانی چەنی شیتن چەنی عاشق چەنی وێران حەنای لوو لوو لە لەولاوەیلێ گیسد خەیدنە سەر شان یەکی خوەی کەیدنە نەزرد یەکی گیان کەیدنە قوربان
To wextê cûrê kelê mes xeraman çîdne seyran Xwedîş zanî çenî şîtin çenî ’aşiq çenî wêran Henay lû lû le lewlaweylê gîsd xeydine ser şan Yekî xwey keydine nezird yekî gyan keydine qurban M zanim axirim derde pena we kî buwem axir!? Hizar hawar le ew çawe eman lew zulfe sed aman M hame ezretê rûjî ser û gyanim byem erad Ne dil qerar girî le sad ne ser dîrî erad saman To nazkitir le gulbaxî şemal le şûnê to yaxî Bû ’etrê gîsê to beydin we lay şewbû werew baxan To wextê cûrê kelê mes xeraman çîdne seyran Xwedîş zanî çenî şîtin çenî ’aşiq çenî wêran Henay lû lû le lewlaweylê gîsd xeydine ser şan Yekî xwey keydine nezird yekî gyan keydine qurban