Nasir Razazi
هۆ وڵاتی پڕجەخار و پڕخەم و گوللەباران تێپەڕە لەم مێحنەتە سەر کەوە بۆ سەر کۆساران شەوی دەیجوورە ئەم ساتە دەساوەر چەرخێ زەمان کورد کڵۆڵە و بێ پەنایە ناڵەی دەگاتە ئاسمان هۆ وڵاتی پڕجەخار و پڕخەم و گوللەباران تێپەڕە لەم مێحنەتە سەر کەوە بۆ سەر کۆساران وشکەساڵە زەوی کڕە وڵات تا بڵێی قاقڕە شینایی و وشکەڵ زەردن گوڵ لارەمل لەسەر هەردن هەوا گەرمە گوڵ دەوەرن شیوەن بگێڕن دەوەرن گیانلەبەر دەڵێی بێ گیانە ئەوەی مانای نییە ژیانە ژانە ژیان ژیان مەرگە زووخاوی دنیام بە جەرگە وەی زاڵم وەی زاڵم کۆمەڵ تاولەمەی گەشاوە ڕۆژێ سەد چین ڕاوەشاوە بەسەرهاتێکە دڵتەزێن خەفەتهێنەر، شادیبەزێن بە فەرمانی هەلاکۆخان گوڵ نابێ شین بن لە باخان نامووس، حەیا، شەرەف فڕی قاڵاو بەسەر گوڵدا قڕی ئەوڕۆ ڕۆژی دڕک و داڵە دڕوو بەسەر گوڵدا زاڵە گیانە ئەستێرەکان مات و نەوین دەڵێی پاکی چەسپی زەوین خەندە لەسەر لێوان قاتن ئینسانەکان کش و ماتن فەرهەنگ و زانین بێ قەدرە وڵات لیپاولیپی غەدرە وڵات پاکی بووەتە بەستێن ئاخ بۆ ڕۆڵانی تۆڵە ئەستێن شەو بە شەوقی سپێدەیەم کەس خەوی لێ ناکەوێ بێ یەکگرتن مەحاڵە دەرچوون لە فیتنەی خائینان هۆ وڵاتی پڕجەخار و پڕخەم و گوللەباران تێپەڕە لەم مێحنەتە سەر کەوە بۆ سەر کۆساران
Ho wilatî pircexar û pirxem û gullebaran Têpere lem mêhnete ser kewe bo ser kosaran Şewî deycûre em sate desawer çerxê zeman Kurd kilole û bê penaye naley degate asman Ho wilatî pircexar û pirxem û gullebaran Têpere lem mêhnete ser kewe bo ser kosaran Wişkesale zewî kire wilat ta bilêy qaqre Şînayî û wişkel zerdin Gul laremil leser herdin Hewa germe gul dewerin Şîwen bigêrn dewerin Gyanleber delêy bê gyane Ewey manay nîye jyane Jane jyan jyan merge Zûxawî dinyam be cerge Wey zalim wey zalim Komel tawlemey geşawe Rojê sed çîn raweşawe Beserhatêke diltezên Xefethêner, şadîbezên Be fermanî helakoxan Gul nabê şîn bin le baxan Namûs, heya, şeref firî Qalaw beser gulda qirî Ewro rojî dirk û dale Dirû beser gulda zale Gyane estêrekan mat û newîn Delêy pakî çespî zewîn Xende leser lêwan qatin Însanekan kiş û matin Ferheng û zanîn bê qedre Wilat lîpawlîpî xedre Wilat pakî buwete bestên Ax bo rolanî tole estên Şew be şewqî sipêdeyem kes xewî lê nakewê Bê yekgirtin mehale derçûn le fîtney xa’înan Ho wilatî pircexar û pirxem û gullebaran Têpere lem mêhnete ser kewe bo ser kosaran