Nasir Razazi
کوردستانە ڕەشپۆشەکەم ڕۆژهەڵاتە پڕجۆشەکەم وا مزگێنی بێ دێینەوە ئاڵای بەرزی سەربەخۆیی وا دیسان هەڵدەدەینەوە هۆ دیارەکەم، هۆ شارەکەم هۆ ڕۆژهەڵاتە خەمبارەکەم لەم هەرێمە ڕزگارەوە بە دێهات و بە شارەوە لەگەڵتانین تا سەرکەوتن بە دەنگی پڕهاوارەوە کوردستانە ڕەشپۆشەکەم ڕۆژهەڵاتە پڕجۆشەکەم وا مزگێنی بێ دێینەوە ئەوە گرمە گرمی هەورە یا ڕمانی نیشتمانم؟ ئەوە ڕێگایە یا تەرمی ڕێبوارانم؟ ئەوە تاڤگەی ئاگرە یا پرچی نازدارانم؟ ئەی کوردستانی نیشتمانم ئەمە سەدەی ئازادییە وا بێ پشوو؟ یا گڕاوی چەنەبازی ڕۆشنبیری دەراوسێکانە ئەمە بەیانی دیموکراسی و مافی مرۆڤە یا هەگبەی گوڵەبەڕۆژەی سیاسەتی وڵاتەکان تۆ بێدەنگی یا کەڕ بووە گوێچکەی جیهان؟ کوردستانەکەم ئیتر خۆتی و جەستەی چوارمێخە کێشراوت خۆتی و مەمکی سەربڕاوت خۆت و خۆتی نەدۆڕاوت ئەم هەوراز و نشێوەی مێژووت بە قاچی شەقار شەقار و دەست و پلی بریندارەوە بڕێوە ئەم زنجیری سەردەمانەت بە هێزی خۆت هەڵبڕیوە ئیتر ئەو چڵە کاجە نیت ئەو دیوی دیوار نەتخوێنێتەوە ئیتر ئەو بەفرە نیت گڕی داگیرکەران بتتوێنێتەوە کوردستانەکەم لەگەڵ ئەوەی ڕاست و چەپت و خوار و ژوورت ڕێگەی سەدان ماری کڕە بەڵام مەچەکی دارگوێزەکانت تەوربڕە، تەوربڕە کوردستانە پڕجۆشەکەم ئاخ سەقزە ڕەشپۆشەکەم مەهابادی قازییەکانم کرماشانی تاق وە سانم شاری سنەی قارەمانم سەرتاسەری کوردستانم وا مزگێنی بێ دێینەوە ئەگەر هات و گەڕاینەوە لە ئیلامەوە تیەیمنەوە ڕییەی ڕزگاری یەک ڕییە و هەر لەورەیشەوە تیەیمنەوە
Kurdistane reşpoşekem Rojhelate pircoşekem Wa mizgênî bê dêynewe Alay berzî serbexoyî Wa dîsan heldedeynewe Ho dyarekem, ho şarekem Ho rojhelate xembarekem Lem herême rizgarewe Be dêhat û be şarewe Legeltanîn ta serkewtin Be dengî pirhawarewe Kurdistane reşpoşekem Rojhelate pircoşekem Wa mizgênî bê dêynewe Ewe girme girmî hewre ya rimanî nîştimanim? Ewe rêgaye ya termî rêbwaranim? Ewe tavgey agire ya pirçî nazdaranim? Ey kurdistanî nîştimanim Eme sedey azadîye wa bê pişû? Ya girawî çenebazî roşnibîrî derawsêkane Eme beyanî dîmukirasî û mafî mirove Ya hegbey guleberojey syasetî wilatekan To bêdengî ya ker buwe gwêçkey cîhan? Kurdistanekem îtir xotî û cestey çwarmêxe kêşrawit Xotî û memkî serbirawit Xot û xotî nedorawit Em hewraz û nişêwey mêjût be qaçî şeqar şeqar û dest û pilî birîndarewe birêwe Em zincîrî serdemanet be hêzî xot helbirîwe Îtir ew çile kace nît ew dîwî dîwar netxiwênêtewe Îtir ew befre nît girî dagîrkeran bittiwênêtewe Kurdistanekem legel ewey rast û çepit û xwar û jûrit rêgey sedan marî kire Belam meçekî dargiwêzekanit tewrbire, tewrbire Kurdistane pircoşekem Ax seqze reşpoşekem Mehabadî qazîyekanim Kirmaşanî taq we sanim Şarî siney qaremanim Sertaserî kurdistanim Wa mizgênî bê dêynewe Eger hat û geraynewe Le îlamewe tyeyminewe Rîyey rizgarî yek rîye û her lewreyşewe tyeyminewe