Adnan Karim
هەموو شەو چاوەڕێم بەڵکم بە مەخفی یاری جانی بێ لە تاریکیی شەوا شوعلەی چرا موشکیل نیهانی بێ چرای ئەووەڵ شەوی قەبرم گڕەی دڵمە لە هیجرانت بە سروەی بای ئەجەل شەمعی مورادم هەر کە فانی بێ لە سەحرای مەحشەریشا یاری من تەرکی جەفا ناکا فیدای ئەو شۆخە بێ ڕۆحم کە جەوری دوو جیهانی بێ لیقا خواهیش دەکەم دایم کە بنوێنێ وەلێ ناچار ڕەزام حەرفێ لە جوابت بشنەوم با «لن ترانی» بێ بەجوز مانی، موسەوویر قەوسی ئەبرۆی وی نەکێشاوە کە مانی نەقشی کێشا بێ دەبێ هەروا کەمانی بێ ڕەوانی کۆهکەن با تازە کا تەقریری شیرینم بە شیرینیی لەبت ناگا شەکەر با ئیسفەهانی بێ بە شێوەی چەنبەریی قەددی خەمیدەی پیری بێتاقەت دەبێ فیکرێ بکا یار ئەر غورووری نەوجەوانی بێ وەفا داغی نەکا گەر دڵ بە کزلک چاکە دوولەت بێ زوبانی پێوەدا عەقرەب کەسێ سیدقی زوبانی بێ خەمۆشی بەسیەتی سالم برینی باتینی کوشتمی نیهانی تا بە کەی خوێنم حەنای پەنجەی فڵانی بێ
Hemû şew çawerêm belkim be mexfî yarî canî bê Le tarîkîy şewa şu’ley çira muşkîl nîhanî bê Çiray ewwel şewî qebirim girey dilme le hîcranit Be sirwey bay ecel şem’î muradim her ke fanî bê Le sehray mehşerîşa yarî min terkî cefa naka Fîday ew şoxe bê rohim ke cewrî dû cîhanî bê Lîqa xwahîş dekem daym ke binwênê welê naçar Rezam herfê le cwabit bişnewm ba «lin tiranî» bê Becuz manî, musewwîr qewsî ebroy wî nekêşawe Ke manî neqşî kêşa bê debê herwa kemanî bê Rewanî kohken ba taze ka teqrîrî şîrînim Be şîrînîy lebit naga şeker ba îsfehanî bê Be şêwey çenberîy qeddî xemîdey pîrî bêtaqet Debê fîkirê bika yar er xurûrî newcewanî bê Wefa daxî neka ger dil be kizilk çake dûlet bê Zubanî pêweda ’eqreb kesê sîdqî zubanî bê Xemoşî besyetî salim birînî batînî kuştimî Nîhanî ta be key xwênim henay pencey filanî bê