Ata Chawshin
کفرە لای من لە یار ڕەنجان پێی لێ ئەنێم ئەی زوهرەی جوان! من ژیانم، گیانم، هەستیم هیوام، تاسەم، شادیم، مەستیم بیرم، هۆشم، هەرچیم هەیە بەهرەی جیلوەی ئەو زوهرەیە ئەی ڕووناکیی ڕێی باوەڕم! خوای بەهەشتی دڵی تەڕم! قیبلەی عەشقم! هۆی ئاوازەم! هێلانەی هەڵبەستی تازەم! کفرە لای من لە یار ڕەنجان پێی لێ ئەنێم ئەی زوهرەی جوان! قیبلەی عەشقم! هۆی ئاوازەم! هێلانەی هەڵبەستی تازەم! چۆن ئەتوانم بڕەنجم لێت؟ هەی خاک بەسەر! ئینسانی شێت! کفرە لای من لە یار ڕەنجان پێی لێ ئەنێم ئەی زوهرەی جوان! تۆ بی سپیەتیی شان و مل لە عاستی ڕووتی و یەخەی جل تۆ بی و جیلوەی هەموو جوانیت: لێم خۆش بە، دڵم ڕەنجانیت! ئەی زوهرەی ناز! زوهرەی جوانی! گەردنکەچی چاوەڕوانی وەستاوم سا دڵم خۆش کە شیعری پێشووم فەرامۆش کە! کفرە لای من لە یار ڕەنجان پێی لێ ئەنێم ئەی زوهرەی جوان!
Kifre lay min le yar rencan Pêy lê enêm ey zuhrey cwan! Min jyanim, gyanim, hestîm Hîwam, tasem, şadîm, mestîm Bîrim, hoşim, herçîm heye Behrey cîlwey ew zuhreye Ey rûnakîy rêy bawerim! Xway beheştî dilî terim! Qîbley ’eşqim! hoy awazem! Hêlaney helbestî tazem! Kifre lay min le yar rencan Pêy lê enêm ey zuhrey cwan! Qîbley ’eşqim! hoy awazem! Hêlaney helbestî tazem! Çon etwanim birencim lêt? Hey xak beser! însanî şêt! Kifre lay min le yar rencan Pêy lê enêm ey zuhrey cwan! To bî sipyetîy şan û mil Le ’astî rûtî û yexey cil To bî û cîlwey hemû cwanît: Lêm xoş be, dilim rencanît! Ey zuhrey naz! zuhrey cwanî! Gerdinkeçî çawerwanî Westawim sa dilim xoş ke Şî’rî pêşûm feramoş ke! Kifre lay min le yar rencan Pêy lê enêm ey zuhrey cwan!