Ali Olfati
کەڵ ڕەم کردێ قەی ئاخ داخم! ترۊسکەی بێنز پرتەی چراخم قەرار و سەور ئیمە بردی ئمشەو لەکام دەروەن ت ماوا گردی ئمشەو من و پرتەی چراخیگ تا وەرسوو خەیاڵاتی لە دڵ هەر تێدن و چوو هەڵەت زانی چەنێ پەی تو پەشێوم بنووڕە بار وشک بان لێوم ت باواند بێیاوانەیل دۊرە شەراو عومر تو هێمان ئەنگۊرە م دارەپیرەگەی ناو باخ پیران ت شاخد داسە قەی شاخ شەمیران زوون شووڕەیل لە لۊ ئەڵەن وسانە ت جوور ئاخداخ داخد گرانە لە چوارقاپی شەوی قاپم دزیدن ت جوور نەفتشا هەرشەو سزیدن ت پرچد پەرچەم یەی نیشتمانە تماشایگد وە رۊ چەن پارڵمانە ت باج قەسرەگەید دانەی وە داود سکەی کەڵهڕ کوتامە دی وە ناود
Kel rem kirdê qey ax daxim! Trüskey bênz pirtey çiraxim Qerar û sewr îme birdî imşew Lekam derwen t mawa girdî imşew Min û pirtey çiraxîg ta wersû Xeyalatî le dil her têdin û çû Helet zanî çenê pey tu peşêwim Binûre bar wişk ban lêwim T bawand bêyawaneyl düre Şeraw ’umir tu hêman enigüre M darepîregey naw bax pîran T şaxd dase qey şax şemîran Zûn şûreyl le lü elen wisane T cûr axdax daxd girane Le çwarqapî şewî qapim dizîdin T cûr neftişa herşew sizîdin T piriçd perçem yey nîştimane Timaşaygid we rü çen parlimane T bac qesregeyd daney we dawid Sikey kelhir kutame dî we nawid