Ali Olfati
وەهارەگەم! هەم وەهاری هات و چی بوو چەویر لانساری هات و چی وەفرەگەی ساڵان سەرد قەی پەڕاو هۊردەهۊردە لەێ وەهارە بۊ وە ئاو سای سەر میناملەیل رۊ وە خوار کەس نەکردەو بان لەناو وەیشت وەهار دڵنیا بۊم ئی وەهارە تیەیدەنەو تووز خەم لەی دەروەچەیلە بەیدنەو دڵتەنگم لەی ناو شەوارە هایدە کوو؟ ئەسپ و زینم بیسەوارە هایدە کوو؟ حەیف ئەڕای بیهاودەمی ناو مانگەشەو ئەسک مانگ ها ناو کیەنی کەو زۊکە بەو پرچ زڵفد ئەر شەوی باییدە دەسم بار تەنیایی شەوارم پی بەسم وەی وهارەیلە ک چن دڵخوەش نیەکەم تەرک کەێکوو بێبەر سەرکەش نیەکەم
Weharegem! hem weharî hat û çî Bû çewîr lansarî hat û çî Wefregey salan serd qey peraw Hürdehüride لەێ wehare bü we aw Say ser mînamleyl rü we xwar Kes nekirdew ban lenaw weyşit wehar Dilnya büm î wehare tyeydenew Tûz xem ley derweçeyle beydinew Diltengim ley naw şeware hayde kû? Esp û zînim bîseware hayde kû? Heyf eray bîhawdemî naw mangeşew Esk mang ha naw kyenî kew züke bew Pirç zilifd er şewî bayîde desim Bar tenyayî şewarim pî besim Wey wihareyle k çin dilxiweş nyekem Terk کەێکûû bêber serkeş nyekem