Amin Gardiglani
خۆزگا لە باخی لێوتا واژەی ئەوین دەڕسکا! پڕ بە شەوی نیازت، پڕشنگی ژین دەڕسکا، بۆ وردە پێلی تاسەم، عیشقت دەبوو بە ڕێباز لە سەر نیگای زوڵاڵی، سەد پێکەنین دەڕسکا شانەی دەکرد هەناسەم، چینی شەپۆلی کەزیەت ئەو دەم لە کانی دەمتا، ماچی بەتین دەڕسکا! پێسیری ئاوەڵای گوڵ، ژوانگەی دڵی پەپوولەن ئەوین نەبا گوڵاڵە، بۆ هەڵوەرین دەڕسکا دڕکی کەسەر نەهاڵێ ڕیشەی لە ڕۆحی باخان، گوڵباخی زەردەخەندە کوا بێ برین دەڕسکا؟ عەرزی سەری لە دەوری چاوی هەتاو نەگێڕێ، کەی باخی پڕ هەسارەی ئاسمانی شین دەڕسکا؟! ودمی ژیان لە بۆنی قژیا نەبا گەنم، کوا بەژنی زراو و شلکی بۆ سەر بڕین دەڕسکا کۆڵانی چۆڵی شەو کوێر بەیانی تێ نەزایە شەو، هەر گوڵی سەهۆڵی لە سەر سەرین دەڕسکا!
Xozga le baxî lêwta wajey ewîn deriska! Pir be şewî nyazit, pirşingî jîn deriska, Bo wirde pêlî tasem, ’îşqit debû be rêbaz Le ser nîgay zulalî, sed pêkenîn deriska Şaney dekird henasem, çînî şepolî kezyet Ew dem le kanî demta, maçî betîn deriska! Pêsîrî awelay gul, jwangey dilî pepûlen Ewîn neba gulale, bo helwerîn deriska Dirkî keser nehalê rîşey le rohî baxan, Gulbaxî zerdexende kwa bê birîn deriska? ’erzî serî le dewrî çawî hetaw negêrê, Key baxî pir hesarey asmanî şîn deriska?! Widmî jyan le bonî qijya neba genim, kwa Bejnî ziraw û şilkî bo ser birîn deriska Kolanî çolî şew kwêr beyanî tênezaye Şew, her gulî seholî le ser serîn deriska!