Amin Gardiglani
تاکوو دێ شادی لە ژین و دڵ لە هیوا دوور دەبێ باڵی شەو دەکرێتەوە و چاوی ئەوین بێ نوور دەبێ چاوچنۆکی چاوی چاوەی ژینی کوێر کردۆتەوە گۆی زەوی ڕۆژێ بە دەستی ئێمە ژێرەوژوور دەبێ جەرگی گڵ توێ توێ دەبێ تا گوڵ سەری دێنێتەدەر دەبتە دۆی دەستی شەماڵ و عاشقی شالوور دەبێ قاتە عەشق و ڕق لە ناخی ئێمەدا ڕسکا کەوا ماڵ و هێلانەی ئەوینمان کاول و خاپوور دەبێ عەشقە ئاو و خاک و بەرد و داری عاشق کردووە عەشقی پشکۆ ئاورە و زووخاڵی پێ ڕووسوور دەبێ عەشقە مۆسیقا لە ئەوکی ناسکی بولبول دەنێ بێ عەشق نەختێ پەڕوپۆ فێری نەغمەی شوور دەبێ؟! دڵ هەتا خوێنی ئەوین تێیدا لە گەڕدا بێ دڵە بێ عەشق قالۆری وشکە و پڕ لە ماروموور دەبێ گەر هەموو ڕێگەی ئەوین و ئارەزوو نەگرینە بەر گیان لە عەشق و ژین لە شادی و دڵ لە هیوا دوور دەبێ
Takû dê şadî le jîn û dil le hîwa dûr debê Balî şew dekirêtewe û çawî ewîn bê nûr debê Çawçinokî çawî çawey jînî kwêr kirdotewe Goy zewî rojê be destî ême jêrewjûr debê Cergî gil twê twê debê ta gul serî dênêteder Debte doy destî şemal û ’aşiqî şalûr debê Qate ’eşq û riq le naxî êmeda riska kewa Mal û hêlaney ewînman kawil û xapûr debê ’eşqe aw û xak û berd û darî ’aşiq kirduwe ’eşqî pişko awre û zûxalî pê rûsûr debê ’eşqe mosîqa le ewkî naskî bulbul denê Bê ’eşq nextê perupo fêrî nexmey şûr debê?! Dil heta xwênî ewîn têyda le gerda bê dile Bê ’eşq qalorî wişke û pir le marumûr debê Ger hemû rêgey ewîn û arezû negrîne ber Gyan le ’eşq û jîn le şadî û dil le hîwa dûr debê