Mihamad Danish
دەردی دووریت زۆر گرانە دڵبەرا هیجران بەسە دڵ وەکوو پەروانە سووتا چاوەکەم گریان* بەسە عاقڵان شەیدا دەبن ڕووبەندی سەر ڕووت* لامەدە عاشقان کوشتەی جەفاتن قەتڵی مەزلوومان بەسە هەرچی بووم بردی بە تاڵان تورکی مەستی چاوەکەت تاقەت و سەبر و قەرارم پێ نەما تاڵان بەسە شاهیدم فرمێسکی خوێنینە کە تۆ جەرگت بڕیم عاشقی ڕووتم ئەگەر تەقسیرە گەر تاوان بەسە گەر قسەی عیشقی گوڵ و بولبول لە لات ئەفسانەیە تۆ گوڵی خەندان و ئەمنیش بولبولی گریان بەسە دەردی دووریت زۆر گرانە دڵبەرا هیجران بەسە دڵ وەکوو پەروانە سووتا چاوەکەم گریان بەسە عاقڵان شەیدا دەبن ڕووبەندی سەر ڕووت لامەدە عاشقان کوشتەی جەفاتن قەتڵی مەزلوومان بەسە هۆنراوە: حەقیقی *= ئەو وشانە لە هۆنراوەی شاعیردا بە شێوەی "سووتان" و "ڕوو" هاتوون.
Derdî dûrît zor girane dilbera hîcran bese Dil wekû perwane sûta çawekem giryan* bese ’aqlan şeyda debin rûbendî ser rût* lamede ’aşiqan kuştey cefatin qetlî mezlûman bese Herçî bûm birdî be talan turkî mestî çaweket Taqet û sebir û qerarim pê nema talan bese Şahîdim firmêskî xwênîne ke to cergit birîm ’aşiqî rûtim eger teqsîre ger tawan bese Ger qisey ’îşqî gul û bulbul le lat efsaneye To gulî xendan û emnîş bulbulî giryan bese Derdî dûrît zor girane dilbera hîcran bese Dil wekû perwane sûta çawekem giryan bese ’aqlan şeyda debin rûbendî ser rût lamede ’aşiqan kuştey cefatin qetlî mezlûman bese Honrawe: heqîqî *= ew wişane le honrawey şa’îrda be şêwey "sûtan" û "rû" hatûn.