Jalal Malaksha
خۆشەویستم زۆر لەمێژە تاسەی دووریت وەک دڵۆپێ فرمێسک لەناو گلێنەی چاوما قەتیس ماوە هەوری ئازار بەسەر کێڵگەی تینووی دڵما پرچی ڕەشی خەم و زووخاوی هەڵاوە خۆشەویستم تاسەی دووریت بوو بە تفەنگ دەستی لە مل چیا کرد و نەهاتەوە تاسەی دووریت بوو بە خەیاڵ ڕۆیی دەرگای سنوورەکان بکاتەوە تاسەی دووریت بوو بە هەللاج سێدارەی کرد بە جێژوانی دڵداری و ماچ خۆشەویستم لە نێوانی من و تۆدا دەریای ئاور شەپۆل ئەدا سنوور وەک سەگ ئەلوورێنێ قەپ بە پاژنەی قاچا ئەکا هەنگاو بە هەنگاو تێمانە بەڵام من ئەو ئەویندارەم لە ناو خوێنا ئەژیمەوە شەقڵی سنووریان ئەشکێنم بە حەیران و سیاچەمانە خۆشەویستم باسی دڵداری من و تۆ دنیای گرت و هێشتا ئێمە لەیەک دوورین باسی دڵداری من و تۆ چاوی مێژووی کردە کانی فرمێسک و خوێن هێشتا ئێمە سەدە و ساڵ و مانگ ئەژمێرین خۆشەویستم تۆ ڕێ کەوە من هەوڵ ئەدەم با بە یەکتر بگەینەوە تۆ بانگم کە من پڕبە دەم هاوار ئەکەم وەڵام یەکتر بدەینەوە قەف قەف زەنجیر سنوورەکان بپچڕین و ئەو هێلانە شێواوەمان بکەینەوە بە کوردستان ئەو هێلانە شێواوەمان بکەینەوە بە نیشتیمان
Xoşewîstim Zor lemêje tasey dûrît wek dlopê firmêsk lenaw gilêney çawma qetîs mawe Hewrî azar beser kêlgey tînûy Dilma pirçî reşî xem û zûxawî helawe Xoşewîstim Tasey dûrît bû be tifeng Destî le mil çiya kird û nehatewe Tasey dûrît bû be xeyal Royî dergay sinûrekan bikatewe Tasey dûrît bû be helac Sêdarey kird be cêjwanî dildarî û maç Xoşewîstim Le nêwanî min û toda deryay awir şepol eda Sinûr wek seg elûrênê qep be pajney qaça eka Hengaw be hengaw têmane Belam min ew ewîndarem le naw xwêna ejîmewe Şeqlî sinûryan eşkênim be heyran siyaçemane Xoşewîstim Basî dildarî min û to dinyay girt û hêşta ême leyek dûrîn Basî dildarî min û to çawî mêjûy kirde kanî firmêsk û xwên Hêşta ême sede û sal û mang ejmêrîn Xoşewîstim To rê kewe min hewl edem ba be yektir bgeynewe To bangim ke min pirbe dem hawar ekem Welam yektir bideynewe Qef qef zencîr sinûrekan bipiçrîn û ew hêlane şêwaweman bikeynewe be Kurdistan Ew hêlane şêwaweman bikeynewe be nîştîman