Tahir Khalili
پاڵم دا وە پاڵ دار مازوو دارێ ڕوانیم کە تک تک عەتری ئەبارێ نواڕیم لە لاما هەندێ حەیوانە پڕمەی مێگەل و تەقەی گۆچانە دیم نەوجوانێک کەپەنک لە بەر گاڵۆک لە مەچەک، کڵاو لە لای سەر شمشاڵێکی زەرد لە تۆی پشتێنی مەر چاک تێفکری، ئەرنا نایبینی مەرحەبا خاڵۆ، چۆنی کاکە گیان؟ لەویا کەوتە بەین، قانع و شوان مامە بە خێر بێی، خەڵک کام خێڵی چیت لە ون بووە، بەم جۆرە وێڵی؟ وتم مامە* گیان دڵم ون بووە! ئەی تۆ نازانی کە بۆ کوێ چووە؟ پێکەنی وتی: مامە دڵ گشتمان ئەسووڕێتەوە بۆ دەوای نیشتمان تۆزێ ڕاوەستە، بانگی بکەم بۆت بیخەمەوە ناو سینەی تەنگی خۆت نەوی لە شمشاڵ لە هەوای هەی دڵ هەی دڵ! هەی نامەرد، هەی نازک وەک گوڵ! کە پەنجەی جووڵان، هەر یەک هەوایێ هەر یەکە دەنگێ، هەر یەک نەوایێ گوێم گرت کەوتە سەر بەزمی شۆری نەی* چۆپی، چەمەری مقامی 'وەی وەی' کز کز بۆی گریام، تا تەواوی کرد زانی پەشێوم، شمشاڵی لابرد کاتیش چ کاتە؟ کاتی بەهارە کوردستان هەمووی چەشنی گوڵزارە کاتی ئازادی دیلی زستانە سەیر و تەماشای دیدەمەستانە
Palim da we pal dar mazû darê Rwanîm ke tik tik ’etrî ebarê Nwarîm le lama hendê heywane Pirmey mêgel û teqey goçane Dîm newciwanêk kepenk le ber Galok le meçek, kilaw le lay ser Şimşalêkî zerd le toy piştênî Mer çak têfkirî, erna naybînî Merheba xalo, çonî kake gyan? Lewya kewte beyn, qani’ û şwan Mame be xêr bêy, xelk kam xêlî Çît le win buwe, bem core wêlî? Witim mame* gyan dilim win buwe! Ey to nazanî ke bo kwê çuwe? Pêkenî witî: mame dil giştiman Esûrêtewe bo deway nîştiman Tozê raweste, bangî bikem bot Bîxemewe naw sîney tengî xot Newî le şimşal le heway hey dil Hey dil! hey namerd, hey nazk wek gul! Ke pencey cûlan, her yek hewayê Her yeke dengê, her yek newayê Gwêm girt kewte ser bezmî şorî ney* Çopî, çemerî miqamî 'wey wey' Kiz kiz boy giryam, ta tewawî kird Zanî peşêwim, şimşalî labird Katîş çi kate? katî behare Kurdistan hemûy çeşnî gulzare Katî azadî dîlî zistane Seyr û temaşay dîdemestane