Bahjat Yahya
من ئەمەوێ بە تەنها لەگەڵ دڵی خۆم بدوێم ئەبمە دەریایێ وشە و نم نم بە سەریا ئەڕژێم لێی ئەپرسم هەتا کەی خۆت ئەکەیتە قوربانی ئەم تەمەنە خەوێکە بۆ کەس نییە ئامانی ئەی دڵ تۆ بە چاوی سۆز ئەم ژیانە ئەبینی تۆ مامۆستای دڵداری و وانەی شیعری ئەوینی ئەمشەو لە هاواری تۆ بە ئاگا هاتوومەوە شیعرێ لە هەناوتایە ئەبێ من بینووسمەوە ئەبێ حاڵ لە خۆم بێنم تا ببمە زمانحاڵت هەر ناگەمە ئەو ئاستەی دەری ببڕم خەیاڵت ئەی دڵ هەر خۆم ئەزانم کە ناخت چەندە پاکە سایەی گەورەیی تۆیە گەر بڵێن کوڕی چاکە ئەوەندە سادە و خاکیت خۆت لەلا مشتێ خاکە نەزان خۆی لا گەورەیە زانا کوا خۆی پێ چاکە!؟ کامەی کە تۆ ئەیبینی خۆی لا گران و تاکە ڕۆژێ دێ هەڕاجی کا ئەم بازاڕە بێباکە
Min emewê be tenha legel dilî xom bidwêm Ebme deryayê wişe û nim nim be serya erjêm Lêy epirsim heta key xot ekeyte qurbanî Em temene xewêke bo kes nîye amanî Ey dil to be çawî soz em jyane ebînî To mamostay dildarî û waney şî’rî ewînî Emşew le hawarî to be aga hatûmewe Şî’rê le henawtaye ebê min bînûsmewe Ebê hal le xom bênim ta bibme zimanhalit Her nageme ew astey derî bibirim xeyalit Ey dil her xom ezanim ke naxt çende pake Sayey gewreyî toye ger bilên kurî çake Ewende sade û xakît xot lela miştê xake Nezan xoy la gewreye zana kwa xoy pê çake!? Kamey ke to eybînî xoy la giran û take Rojê dê heracî ka em bazare bêbake