Aras Ajand
چ حەیفا نم نمێو وارۆ دڵێ و هاڵی جە زامت بۆ ئەگەر دەردێت نەبا بەشکەم دەمی پایێز حەرامت بۆ! خەزان و ئی تەم و هەورێ و بوەو خاکی و کەمێو واران چەنی ڕۆحی مەبا تێکەڵ، مەگەر دێوانە فامت بۆ جیایی ئا گەڵا زەردا دەسیشا وەر بیێ و مەردێ نێشانە و حەزەرەتوو کۆچین ڕوێو مشیۆ بە نامت بۆ سەر و سینە و گەڵا زەرڎا بە شادی پا نیای کوفرا خەزان بەزمی خەمین وازۆ، ئەگەر زەڕێو مەرامت بۆ خەمی تەسکین دەرا پاییز، مشۆ تۆشە و خەمیت پەڕ بۆ خشە و دەنگ و گەڵا زەرڎا ملودی بێ کەلامت بۆ ملۆ بەزموو خەزانی هەم جە زمسانی وەهارێو مەی وەشا پێسە و جەسە و باخی وەروو وایە و دەوامت بۆ شەوێ کەم کەم درێژێ با و خەمێوی ئاشنا مەیوە زەروورا پەی شفا و حاڵی شەرابی تاڵەتامت بۆ
Çi heyfa nim nimêw waro dilê û halî ce zamit bo Eger derdêt neba beşkem demî payêz heramit bo! Xezan û î tem û hewrê û bwew xakî û kemêw waran Çenî rohî meba têkel, meger dêwane famit bo Cyayî a gela zerda desîşa wer byê û merdê Nêşane û hezeretû koçîn rwêw mişyo be namit bo Ser û sîne û gela zerđa be şadî pa nyay kufra Xezan bezmî xemîn wazo, eger zerêw meramit bo Xemî teskîn dera payîz, mişo toşe û xemît per bo Xişe û deng û gela zerđa miludî bê kelamit bo Milo bezmû xezanî hem ce zimsanî weharêw mey Weşa pêse û cese û baxî werû waye û dewamit bo Şewê kem kem dirêjê ba û xemêwî aşna meywe Zerûra pey şifa û halî şerabî taletamit bo