Qadir Alyasi
خەزاڵ چەوخومارم هەر تۆ دیرم ئومێدێ ڕووژگارم هەر تۆ دیرم هەنارم، لیمووم، سیفم، شەمامەم گوڵ و باخ و بەهارم هەر تۆ دیرم پیاڵەی تینییێ چەرخی چەواند وە زەنجیرم لە ئەڵقەی زۆڵفەگاند شەمامەت هاتە دەس باخد سەمەر دا تۆ خوەش بە ئەر لە دەس چی باخەواند خەرامان ئەی خەرامان ئەی خەرامان وە سایەی زۆڵفەگەد بگرەم وە ئامان ئەگەر هاوساگەدان پرسی وە پی بۊش غەریبە و ئیمشەو میوانە وە لامان پەڕم سزیا لە پای چووڵەی چراخد گلارە ڕاسەگەم مردم لە داخد نە دەرویشم نە شارووکەر نە گوڵچین کەمی تەک دەم لە قەی پەرچینێ باخد
Xezal çewxumarim her to dîrim Umêdê rûjgarim her to dîrim Henarim, lîmûm, sîfim, şemamem Gul û bax û beharim her to dîrim Pyaley tînîyê çerxî çewand We zencîrim le elqey zolfegand Şemamet hate des baxd semer da To xweş be er le des çî baxewand Xeraman ey xeraman ey xeraman We sayey zolfeged bigrem we aman Eger hawsagedan pirsî we pî bûş Xerîbe û îmşew mîwane we laman Perim sizya le pay çûley çiraxd Gilare rasegem mirdim le daxd Ne derwîşim ne şarûker ne gulçîn Kemî tek dem le qey perçînê baxd