Mohamedreza Darabi
تۆ قەسەم خواردی گیان ئای من بیوەفا نیم بیوەفاییەگەد ئەزیزم ئای وە چاوێ خوەم دیم لەیل لەیل لەیلانە ئاخ یارم وەیلانە یە یاری دیرم ئەزیزم ئای شیرین زوانە یە یاری دیرم ئەزیزم ئای ماڵیان ها ئی بانە ئیمشەو چەن شەوە گیان ئای دۊر لە یارانم چۊ زەمینێ شوور ئەزیزم ئای تشنەی وارانم لەیل لەیل لەیلانە ئاخ یارم وەیلانە یە یاری دیرم ئەزیزم ئای شیرین زوانە یە یاری دیرم ئەزیزم ئای ماڵیان ها ئی بانە ئای لەیلی لەیلی لەیلی باوانم ئەڕای دۊریەگەد کوور بوود چاوانم وە فدای باڵاد بام لە دۊر دیارە چمان گوڵقونچەی ئەوەڵ بەهارە سینەی بیستۊن هزاران ڕازە بیستۊن جییەگەی ڕاز و نیازە ئای لەیلی لەیلی لەیلی باوانم ئەڕای دۊریەگەد کوور بوود چاوانم لە دۊرەو هاتی وەتم یە یارە گلارەم کوور بوو یە خو ڕیوارە ئەسمەر یارم جوانە وەک مانگی تابانە ئەسمەر ئەسمەر مەر من چە وەتم تۆ بید وە دڵگیر وە زۆڵفد قەسەم من نەیرم تەخسیر ئەسمەر یارم جوانە وەک مانگی تابانە ئەسمەر ئەسمەر کرماشانیگم باوانم وە دیل گریامە وە زۆڵفێ لەیلی ئەی هاوار زەنجیر کریامە فدای ئەو قەمزەی باوانم هۊچکەس نەکەردەد گیانم وە فدات ئەی هاوار وە ناز پەروەردەد هەم سەر و هەم جییەگەی شووڕەژن شان بدەی وە شانم جا تەدارەک بگرن باوانم هەر ئیمشەو میوانم مەر خۆسرو نێیاشت باوانم مەتای ڕەنگواڕەنگ شیرین پەی فەرهاد ئەی هاوار سەر مەنیا وە سەنگ هەم سەر و هەم جییەگەی شووڕەژن شان بدەی وە شانم جا تەدارەک بگرن باوانم هەر ئیمشەو میوانم
To qesem xwardî gyan ay min bîwefa nîm Bîwefayyeged ezîzim ay we çawê xwem dîm Leyl leyl leylane ax yarim weylane Ye yarî dîrim ezîzim ay şîrîn zwane Ye yarî dîrim ezîzim ay malyan ha î bane Îmşew çen şewe gyan ay dür le yaranim Çü zemînê şûr ezîzim ay tişney waranim Leyl leyl leylane ax yarim weylane Ye yarî dîrim ezîzim ay şîrîn zwane Ye yarî dîrim ezîzim ay malyan ha î bane Ay leylî leylî leylî bawanim Eray düryeged kûr bûd çawanim We fiday balad bam le dür dyare Çiman gulqunçey ewel behare Sîney bystün hizaran raze Bystün cîyegey raz û nyaze Ay leylî leylî leylî bawanim Eray düryeged kûr bûd çawanim Le dürew hatî wetim ye yare Gilarem kûr bû ye xu rîware Esmer yarim cwane Wek mangî tabane Esmer esmer Mer min çe wetim to bîd we dilgîr We zolifd qesem min neyrim texsîr Esmer yarim cwane Wek mangî tabane Esmer esmer Kirmaşanîgim bawanim we dîl giryame We zolfê leylî ey hawar zencîr kiryame Fiday ew qemzey bawanim hüçkes nekerded Gyanim we fidat ey hawar we naz perwerded Hem ser û hem cîyegey şûrejin şan bidey we şanim Ca tedarek bigirin bawanim her îmşew mîwanim Mer xosru nêyaşt bawanim metay rengiwareng Şîrîn pey ferhad ey hawar ser menya we seng Hem ser û hem cîyegey şûrejin şan bidey we şanim Ca tedarek bigirin bawanim her îmşew mîwanim