Hassan Zirak
ئەرێ تاو هەڵات و ڕۆژ هەڵات دای لە پردی مەهاباد ئەرێ بۆ تۆ نەماوم تووران گیان گەردن قورینگ و لێو نەبات تۆ بە قسەی بابت نەکەی ئەو ڕەنجەم نەدەی بەباد تووران بۆخۆت قەولت دا مانگی تازە لە نوێ هات باغەوان گیان من غەریبم ڕێگای باغت لە کوێیە؟ عاشقی چاوی توورانم ماڵیان لەسەر خڕێیە ئەرێ هەر دەکەن باسی تووران لە عێڕاق و لە عێران جوانێ ڕوحمی خێرت بێ ئەو دڵەم بۆت بووە سەرگەردان حەو شەوانم کچێ هەڵگرتن بمبەن بۆ *؟ مەردان پێم گوت دەستم دەستۆ کە توورانێ مەرد و مەردان ماڵیان لەسەر خڕێیە نزیکە بە خیابان باغەوان گیان من غەریبم ڕێگای باغت هەورازە عاشقی چاوی تووران بووم قەدبڵندە و بێ مەجازە ئەرێ سەرتۆپی کوردستانی وەباڵم بەستۆ جوانی شەوێ لە نیوەشەو گیان بۆخۆم بووم بە میوانی ئەوجارە ئەمن چ بکەم بابی عەیار بوو زانی ئاوری لە من بەرداوە... ...ڕێگای باغت لە کوێدا عاشقی چاوی کەژاڵ بووم هاوار لەو شارەدێدا ئەرێ هاتووم لەلای نەڵێنێ [جەرگم خوێن دەدەڵێنێ] نەخۆشم بۆ کەژاڵێ لێم زیزە و نامدوێنێ پێم گوت دەستم دەستۆ کە بەوڕۆ و بەسبێ و بەدوێنێ ئەرێ باغەوان گیان من غەریبم ڕێگای باغت هەورازە عاشقی چاوی کەژاڵ بووم زۆر جوانە و زۆر ممتازە ئەرێ بە غەوسی لە بەغدایە بەو دەردەی لە دڵم دایە بەوەی بادیهەوایە زولفی هەوداهەودایە نەخۆشم بۆ تووران چاوجوان ئوفتادە و *؟بایە لەوەتە ئەو ژنەم دیوە قەت کەسم وەبیر نایە ئەرێ باغەوان گیان من غەریبم ڕێگای باغت بە کوێدا؟ عاشقی باڵای ژیکەڵێ بووم چی بکەم لەو شارەدێدا ئەرێ عەنتیکە و زێدەلاوە دوورە لێی بکەم سڵاوە لە بیتوێنێ بەرەوژوور وەک شەمامە ڕەنگاوە کراس مەخمەر دارابی هەی بە باڵاکەی بڕاوە نە کورتە و نە درێژە لەسەر پانیەی وێستاوە پووزی وەک کرمی سپی پاوانەی تێ کراوە لەبەر *؟ دەمرم مەمکی سەر زاری ناوە تووران دەستم دەستۆ بکە ماڵم لە من تۆراوە باغەوان گیان من غەریبم ڕێگای باغت لە کوێیە؟ عاشقی چاوی ژیکەڵێ بووم چی بکەم لەو شارەدێیە عاشقی چاوی تووران بووم ماڵیان لەسەر خڕێیە
Erê taw helat û roj helat day le pirdî mehabad Erê bo to nemawim tûran gyan gerdin qurîng û lêw nebat To be qisey babit nekey ew rencem nedey bebad Tûran boxot qewlit da mangî taze le nwê hat Baxewan gyan min xerîbim rêgay baxit le kwêye? ’aşiqî çawî tûranim malyan leser xirêye Erê her deken basî tûran le ’êraq û le ’êran Cwanê ruhmî xêrit bê ew dilem bot buwe sergerdan Hew şewanim kiçê helgirtin bimben bo *? merdan Pêm gut destim desto ke tûranê merd û merdan Malyan leser xirêye nizîke be xyaban Baxewan gyan min xerîbim rêgay baxit hewraze ’aşiqî çawî tûran bûm qedbilinde û bê mecaze Erê sertopî kurdistanî webalim besto cwanî Şewê le nîweşew gyan boxom bûm be mîwanî Ewcare emin çibkem babî ’eyar bû zanî Awrî le min berdawe... ...rêgay baxit le kwêda ’aşiqî çawî kejal bûm hawar lew şaredêda Erê hatûm lelay nelênê [cergim xwên dedelênê] Nexoşim bo kejalê lêm zîze û namdiwênê Pêm gut destim desto ke bewro û besbê û bedwênê Erê baxewan gyan min xerîbim rêgay baxit hewraze ’aşiqî çawî kejal bûm zor cwane û zor mimtaze Erê be xewsî le bexdaye bew derdey le dilim daye Bewey badîhewaye zulfî hewdahewdaye Nexoşim bo tûran çawciwan uftade û *?baye Lewete ew jinem dîwe qet kesim webîr naye Erê baxewan gyan min xerîbim rêgay baxit be kwêda? ’aşiqî balay jîkelê bûm çî bikem lew şaredêda Erê ’entîke û zêdelawe dûre lêy bikem silawe Le bîtwênê berewjûr wek şemame rengawe Kiras mexmer darabî hey be balakey birawe Ne kurte û ne dirêje leser panyey wêstawe Pûzî wek kirmî sipî pawaney tê kirawe Leber *? demirim memkî ser zarî nawe Tûran destim desto bike malim le min torawe Baxewan gyan min xerîbim rêgay baxit le kwêye? ’aşiqî çawî jîkelê bûm çî bikem lew şaredêye ’aşiqî çawî tûran bûm malyan leser xirêye