Qadir Kaban
دڵێ گیرۆدەی زوڵف و خاڵ نەبێ شێواوی ئیشوەی چاوی کاڵ نەبێ ئاواتەخوازی لێوی ئاڵ نەبێ لە بۆتەی عەشقا زیوی قاڵ نەبێ ئەو دڵە یاخوا یاخوا بەر خەنجەر درێ وەک کۆتەی قەساب لەت و پەت کرێ سەرێ شێواوی عیشوە و ناز نەبێ پۆڕی خوراوی بازی ناز نەبی دەنگی وەک تەلی تار و ساز نەبێ لە ڕێگەی عەشقا بەردەباز نەبێ ئەو سەرە یاخوا یاخوا جێگەی سەر دار بێ بە پەنکراوی کووچە و بازاڕ بێ عەقڵێ وەک عەبد و خزمەتکار نەبێ لە قاپی یارا فیداکار نەبێ لە حیلەی ڕەقیب ئاگادار نەبێ لە ساحەی عەشقا چابووکسوار نەبێ ئەو عەقڵە یاخوا یاخوا بەشی شێتی بێ خوێڕی و کۆڵانکۆڵ هەر پاپەتی بێ دەمێ بە زیکری یار نەکرێتەوە زووخاوی جەرگی پێ نەسڕێتەوە شوکری جانانەی پێ نەدرێتەوە گرەوی عەشقی پێ نەبرێتەوە ئەو دەمە یاخوا یاخوا ئەنجن ئەنجن بێ خنکاوی بەحری خەمی بێ بن بێ پێیێ گەڕۆکی کووچەی یار نەبێ لە هاتوچۆدا بریندار نەبێ دایم زەعیف و دەردەدار نەبێ لە کۆتەی عەشقا گرفتار نەبێ ئەو پێیە یاخوا یاخوا دایم لە تیر بێ بەشی هەر بەند و کۆتە و زنجیر بێ
Dilê gîrodey zulf û xal nebê Şêwawî îşwey çawî kal nebê Awatexwazî lêwî al nebê Le botey ’eşqa zîwî qal nebê Ew dile yaxwa yaxwa ber xencer dirê Wek kotey qesab let û pet kirê Serê şêwawî ’îşwe û naz nebê Porî xurawî bazî naz nebî Dengî wek telî tar û saz nebê Le rêgey ’eşqa berdebaz nebê Ew sere yaxwa yaxwa cêgey ser dar bê Be penkirawî kûçe û bazar bê ’eqlê wek ’ebid û xizmetkar nebê Le qapî yara fîdakar nebê Le hîley reqîb agadar nebê Le sahey ’eşqa çabûksiwar nebê Ew ’eqle yaxwa yaxwa beşî şêtî bê Xwêrî û kolankol her papetî bê Demê be zîkirî yar nekirêtewe Zûxawî cergî pê nesrêtewe Şukirî cananey pê nedrêtewe Girewî ’eşqî pê nebrêtewe Ew deme yaxwa yaxwa encin encin bê Xinkawî behrî xemî bê bin bê Pêyê gerokî kûçey yar nebê Le hatuçoda birîndar nebê Daym ze’îf û derdedar nebê Le kotey ’eşqa giriftar nebê Ew pêye yaxwa yaxwa daym le tîr bê Beşî her bend û kote û zincîr bê