Newroz

حەسەن زیرەک Hassan Zirak
Album: Radyo Kirmaşan Dialect: Sorani 1571
Download 
ئەم ڕۆژی ساڵی تازەیە نەورۆزە هاتەوە
جێژنێکی کۆنی کوردە بە خۆشی و بەهاتەوە

وا ڕۆژ هەڵات لە بەندەنی بەرزی وڵاتەوە
ڕەنگی گوڵاڵە و گەزیزە و شەبەق شەوق ئەداتەوە
ئەم ڕۆژی ساڵی تازەیە نەورۆزە هاتەوە
جێژنێکی کۆنی کوردە بە خۆشی و بەهاتەوە
ئێم ڕۆژی ساڵی تازەیە نەورۆزە هاتەوە
جێژنێکی کۆنی کوردە بە خۆشی و بەهاتەوە
هۆنراوە: پیرەمێرد
بە هۆی ئەوەیکە دەقی هۆنراوەی ئەم گۆرانییە بۆ مەرامی داگیرکەران گۆڕدراوە ئێمە فایلی کورتکراوی ئەم گۆرانییەمان داناوە.
دەقی تەواو و دروستی هۆنراوەی نەورۆز:
ئەم ڕۆژی ساڵی تازەیە، نەورۆزە، هاتەوە
جەژنێکی کۆنی کوردە بەخۆشی و بەهاتەوە
چەند ساڵ گوڵی هیوای ئێمە پێ پەست بوو تاکوو پار
هەر خوێنی لاوەکان بوو گوڵی ئاڵی نەوبەهار
ئەو ڕەنگە سوورە بوو کە لە ئاسۆی بڵندی کورد
مژدەی بەیانی بۆ گەلی دوور و نزیک ئەبرد
نەورۆز بوو ئاگرێکی وەهای خستە جەرگەوە
لاوان بە عەشق ئەچوون بە بەرەو پیری مەرگەوە
وا ڕۆژ هەڵات لە بەندەنی بەرزی وڵاتەوە
خوێنی شەهیدە ڕەنگی شەفەق شەوق ئەداتەوە
تا ئێستە ڕووی نەداوە لە تاریخی میللەتا
قەڵخانی گوللە سنگی کچان بێ لە هەڵمەتا
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین
Em rojî salî tazeye newroze hatewe
Cêjnêkî konî kurde be xoşî û behatewe

Wa roj helat le bendenî berzî wilatewe
Rengî gulale û gezîze û şebeq şewq edatewe
Em rojî salî tazeye newroze hatewe
Cêjnêkî konî kurde be xoşî û behatewe
Êm rojî salî tazeye newroze hatewe
Cêjnêkî konî kurde be xoşî û behatewe
Honrawe: pîremêrd
Be hoy eweyke deqî honrawey em goranîye bo meramî dagîrkeran gordirawe ême faylî kurtikirawî em goranîyeman danawe.
Deqî tewaw û dirustî honrawey newroz:
Em rojî salî tazeye, newroze, hatewe
Cejnêkî konî kurde bexoşî û behatewe
Çend sal gulî hîway ême pê pest bû takû par
Her xwênî lawekan bû gulî alî newbehar
Ew renge sûre bû ke le asoy bilindî kurd
Mijdey beyanî bo gelî dûr û nizîk ebird
Newroz bû agirêkî wehay xiste cergewe
Lawan be ’eşq eçûn be berew pîrî mergewe
Wa roj helat le bendenî berzî wilatewe
Xwênî şehîde rengî şefeq şewq edatewe
Ta êste rûy nedawe le tarîxî mîlleta
Qelxanî gulle singî kiçan bê le helmeta
Pêy nawê bo şehîdî weten şîwen û girîn
Namirin ewane wa le dilî mîlleta ejîn

Report a Problem