Najmadin Ghulami
دیسان تۆفی جەور و زوڵم نیشتەوە سەر دڵەکەی خاک لە نێو بەفر و بەستەڵەکدا بە وەرین هات شکۆفەی خاک لێ ئەمجارە نەک هەر گوڵێ باغی گوڵمان بە وەرینە لە باکووری بە هەتاوا باغی ڕۆحمان بە وەرینە وەرن سەیری کوڕ و کاڵی ڕاکشاوی ناو بەفر کەن لەسەر شووشەی شەختەبەندا سەیری خوێنی کۆ تەرمم کەن وەرن سەیری چرای دڵ کەن لەو بەفرەدا چۆن ئەسووتێ دڵ لە سۆی دڵ، گوڵ لە سۆی گوڵ لەو خاکەدا چۆن ئەسووتێ ڕەنگە بیری ڕەقیب شاد بێ بە ڕووباری ئەو خوێناوە بەڵام سبەی وای بە حاڵی چۆن گڕ دەگرێ لە چوار لاوە هەر ئەمێستا تەواشا کەن برووسکەی خاک چۆن گڕ دەدا سلەیمانی لە گۆیژەوە سەری تۆڵە چۆن با دەدا سەیری هەڵپەی قامیشلی کەن چ خوێناوێ گرتوویەتی لە پای شەڕناخ گڕی هەولێر چ غەزەبێ گرتوویەتی تەواشا کەن لە شارەزوور تا هەڵەبجە و هەورامانم چاوی پشدەر دڵەی دەربەن تا گەرمیانم چۆن ئەسووتێ تەماشا کەن کەرکووک لە پای خوێنی بەورا چۆنە کڵپەی سنە و سابڵاخ لە تاو کۆستی بەفری سوورە چۆنە کڵپەی
Dîsan tofî cewr û zulim nîştewe ser dilekey xak Le nêw befir û bestelekda be werîn hat şikofey xak Lê emcare nek her gulê baxî gulman be werîne Le bakûrî be hetawa baxî rohman be werîne Werin seyrî kur û kalî rakşawî naw befir ken Leser şûşey şextebenda seyrî xwênî ko termim ken Werin seyrî çiray dil ken lew befreda çon esûtê Dil le soy dil, gul le soy gul lew xakeda çon esûtê Renge bîrî reqîb şad bê be rûbarî ew xwênawe Belam sibey way be halî çon gir degrê le çwar lawe Her emêsta tewaşa ken birûskey xak çon gir deda Sileymanî le goyjewe serî tole çon ba deda Seyrî helpey qamîşlî ken çi xwênawê girtûyetî Le pay şernax girî hewlêr çi xezebê girtûyetî Tewaşa ken le şarezûr ta helebce û hewramanim Çawî pişder diley derben ta germyanim çon esûtê Temaşa ken kerkûk le pay xwênî bewra çone kilpey Sine û sablax le taw kostî befrî sûre çone kilpey