Omar Rasuli
پاییز هەموو سەرمایەی ژیانم تاقە خونچیلێکم هەیە گیانی پاییز ئەگەر دەکرێ ئەوساڵ مەیە سوێند بێ بە بەرزیی دارستان بە ڕۆحی تینووی جاڕستان بۆ نەهاتن هەزار بیانوو و میانوو هەیە هێندە ترساو و تاساوم سەرم سوڕماوە نازانم لە خشپەی پێی پەپوولەیێکی پاییزیش بەدگومانم بەدگومانم پاییز گەرچی دەڵێن تۆ مێعماری ڕەنگەکانی تۆ نەقاشی هەورەکانی ئەتۆ خودای ئاسمانی تەنانەت هێندێکیش دەڵێن تۆ بەهاری شاعیرانی بەڵام بە ڕووحی چوار وەرزە بە بەدیهێنی ئەم عەرزە هێندە بەڵگەی تاڵیم هەیە تا بۆم بکرێ دەڵێم مەیە مەیە مەیە مەیە ئاخ دەستم دەسەڵاتی بووایە پێم پێی ڕۆینی بووایە هیمەتم هێزی ببوایە هەرچی زووخاوی مێژوویە بە هەموو پاییزێکم دەچێژت یەک پاییزیشم نەدەهێشت تۆ نازانی تۆ نازانی چەند لە بوونت نیگەرانم تاقە خونچیلێکم هەیە هەموو سەرمایەی ژیانم دەترسم بیکەیە سەرما دەترسم بیدەیە دەم با پەڕی گوڵی گوڵم ناسکترە لە گوڵپەڕی هەناسەیەک ئەوەم لێ بۆتە تاسەیەک وەرە تۆ حەزرەتی حەزیا تۆ بەژنی ژانی سەد خۆزیا تۆ تاڵ و تووڕەیی هەوران تۆ قرچەی پشتی دارستان لە هەڵمەتی بێبەزەییت لەناوبریان خانەخەراب چی دەبێ ساڵێکی مەیە وەرە نەخشەت بۆ دەکێشم دەست دەرە هۆ کوپە مەیە هەتا جمەت دێ بینۆشە ئەوساڵ بەو شمشاڵە نەیە پێکەوە بەستەیەک دەڵێین وەک گۆرانی "پاییز پاییز بووکی قژزەرد من مات تۆ زیز هەردوو هاودەرد" ئەرێ هەردوو هاودەرد بە حەقی ڕووحی ئەم تاڵە لەمێژساڵە ڕووحم تینووی ماچێ لێوی نەرم نەرمە ڕەنگ پەمەیی برسێتیم ژەمێک باوەشی گەرم گەرمە ڕەنگ لەمەیی های لەمەیی ئای پەمەیی کام بێبەزە بزەی بزووت؟ کێ تۆرانتی؟ کێ بزوانتی؟ نەتکوت دەگەڵ گەزیزە دێمەوە؟ پاییز داهات بۆ لەمەیی بۆ لەمەیی شیلەی هەنگوینت چاوهەنگوینی بۆ نەمەیی بۆ نەمەیی پاییز وڵاتی بە قوڕ گرت دەرکی ماڵت بە قوڕ گیرێ موژدەی گەزیزەی هاتنت بۆ نەگەیی بۆ نەگەیی بۆ نەگەیی پاییز وەرە وەرە پاییز پەشیمانم بۆ هاتنت وێران وێران وێرانی وێرانم تۆ بی و ئەو ڕووحانەی مشتت تۆ بی و ئەو خوێنانەی ڕشتت تۆ بی و ئەو باخانەی کوشتت تۆ ئەو نەمامانەی ناشتت ئاخ پاییز چەند شاخ و باخت داڕماند چەند کەپر و کاخت تێک بەزاند چەند کەشتیت نوقمی دەریا کرد چەندە تۆفانت بە پا کرد چەند ئەویندارت جیا کرد چەندەت بێڕەحمی و جەفا کرد ئەوا ئێستا من و دەریا دەریا چاوەڕوانی باوەش باوەش ئینتیزاری تێڕمانی زوو بمگەیە زوو بمگەیە بێزارە زارم لە وتن بە مەرگت ڕازیم بە نەبوون
Payîz Hemû sermayey jyanim taqe xunçîlêkim heye Gyanî payîz eger dekirê ewsal meye Swênd bê be berzîy daristan Be rohî tînûy caristan Bo nehatin hezar byanû û myanû heye Hênde tirsaw û tasawim serim surmawe nazanim Le xişpey pêy pepûleyêkî payîzîş bedgumanim bedgumanim Payîz Gerçî delên to mê’marî rengekanî To neqaşî hewrekanî Eto xuday asmanî Tenanet hêndêkîş delên to beharî şa’îranî Belam be rûhî çwar werze Be bedîhênî em ’erze Hênde belgey talîm heye Ta bom bikirê delêm Meye meye meye meye Ax destim deselatî buwaye Pêm pêy roynî buwaye Hîmetim hêzî bibwaye Herçî zûxawî mêjûye Be hemû payîzêkim deçêjit Yek payîzîşim nedehêşt To nazanî To nazanî çend le bûnit nîgeranim Taqe xunçîlêkim heye Hemû sermayey jyanim Detirsim bîkeye serma Detirsim bîdeye dem ba Perî gulî gulim naskitre le gulperî henaseyek Ewem lê bote taseyek Were to hezretî hezya To bejnî janî sed xozya To tal û tûreyî hewran To qirçey piştî daristan Le helmetî bêbezeyît lenawbiryan Xanexerab çî debê salêkî meye Were nexşet bo dekêşim Dest dere ho kupe meye Heta cimet dê bînoşe Ewsal bew şimşale neye Pêkewe besteyek delêyn Wek goranî "payîz payîz bûkî qijzerd Min mat to zîz herdû hawderd" Erê herdû hawderd Be heqî rûhî em tale lemêjsale Rûhim tînûy maçê lêwî nerim nerme reng pemeyî Birsêtîm jemêk baweşî germ germe reng lemeyî Hay lemeyî ay pemeyî Kam bêbeze bizey bizût? Kê torantî? kê bizwantî? Netkut degel gezîze dêmewe? Payîz dahat bo lemeyî bo lemeyî Şîley hengiwînit çawhengiwînî bo nemeyî bo nemeyî Payîz wilatî be qur girt derkî malit be qur gîrê Mujdey gezîzey hatinit bo negeyî bo negeyî bo negeyî Payîz were Were payîz peşîmanim Bo hatinit wêran wêran wêranî wêranim To bî û ew rûhaney miştit To bî û ew xwênaney riştit To bî û ew baxaney kuştit To ew nemamaney naştit Ax payîz çend şax û baxt darmand Çend kepir û kaxt têk bezand Çend keştît nuqmî derya kird Çende tofanit be pa kird Çend ewîndarit cya kird Çendet bêrehmî û cefa kird Ewa êsta min û derya derya çawerwanî Baweş baweş întîzarî têrmanî Zû bimgeye Zû bimgeye Bêzare zarim le witin Be mergit razîm be nebûn