Hasan Darzi
نامەیێکم پێگەیی هەر وەک گوڵاوی پەرچەمت وەسوەسەم کرد ئەی خودا کەی دەم بنێمە ناو دەمت خۆزگە دەمزانی لە غوربەت کێیە بێ من هاودەمت خۆ دەزانی گیانە بۆ من ناکرێ تەرکی غەمت چاوەکانم بەسیە غوربەت بێرەوە چۆن بژیم من تۆ لەوێ من لێرەوە وێنەکەت دەرمانی سەر جەرگی برینداری منە وەختی دڵتەنگی بەبێ تۆ هەر ئەوە یاری منە دیتنی ڕووناکی بۆ دوو چاوی جۆباری منە تا کو لێت دوورم عەزیزم شیوەنت کاری منە چاوەکانم بەسیە غوربەت بێرەوە چۆن بژیم من تۆ لەوێ من لێرەوە نامە سەر دوو چاوی تەڕ وێنەت لەدووی ماچ کردنی سەر دڵی شێواوی خۆمە جێی لە پاش هەڵگرتنی شەمعی ڕووت بۆ من حەیاتی باقیە هەڵ کردنی وا لە دڵ هاڵاوی بەخوا حەستەمە لابردنی چاوەکانم بەسیە غوربەت بێرەوە چۆن بژیم من تۆ لەوێ من لێرەوە سەیری کوردستانی چۆل کەم یا تەمی کوێستانی دڵ داخی دووری تۆ بچێژم یا غەمی هیزار لەمل ئەی خەزانی غەم بڕۆ با شین بێ باغم چڵ بە چڵ ئەی فەلەک بابێ بەهارستانی من سێ چەپکە گوڵ چاوەکانم بەسیە غوربەت بێرەوە چۆن بژیم من تۆ لەوێ من لێرەوە شێت و ماخولیای غەمی تۆم گیانە من دێوانە نیم مەستی جامی مەیلی تۆم و ئەلی نێو مەیخانە نیم ڕاستە سوتانم بەڵام بێ شەمعە خۆ پەروانە نیم خاکی کوردستان دەڵێ پێت، ڕۆڵە من وێرانە نیم چاوەکانم بەسیە غوربەت بێرەوە چۆن بژیم من تۆ لەوێ من لێرەوە گیانەکەم پێت وا نەبێ شانۆی گەزاف و لافمە مەیلی تۆ نیشەی دڵی خەمدیو و سینەی سافمە هێرشی بەدخووییتە گەردون موو کەنیزەی جافمە هەر شەوی هیجرانی تۆیە موردی ئەوسافمە چاوەکانم بەسیە غوربەت بێرەوە چۆن بژیم من تۆ لەوێ من لێرەوە دەردی دڵ بۆ کێ بەیان کەم دڵ کە نالاوێتەوە ئەو گڕوی گرتویە چ بکەم بێ تۆ ژیر نابێتەوە بەفری بەفرانبارە بێ بای وەعدە قەت ناچێتەوە ئەی خوا کەنگی ئەزیزی ئەو دڵەی من دێتەوە چاوەکانم بەسیە غوربەت بێرەوە چۆن بژیم من تۆ لەوێ من لێرەوە باوەڕی نایە بەژینم دڵ بەدەس جزیاتەوە خۆشە ڕۆح دەربێ و بەجارێ بیخەمە ژێر پاتەوە چونکە تەنیا هەر دڵێکە و سەد بەڵا دەیباتەوە چەرخی چەپگەرد لێم بەقینە دەست لە من ناکاتەوە چاوەکانم بەسیە غوربەت بێرەوە چۆن بژیم من، تۆ لەوێ من لێرەوە بولبول ئەر مەیلی سەفاتە بێرە لای من لەحزەیەک نابێ بۆ ناڵین و سوتان قەت وەکوو من بەندەیەک من بە بەندی نیشەدارو تۆش گوڵی سور دەستەیەک تۆ ورینگەی شیعری ژێرو کەو لە کۆتریش لەنجەیەک چاوەکانم بەسیە غوربەت بێرەوە چۆن بژیم من تۆ لەوێ من لێرەوە گوێت لە بەندی ئاخرم بگرە هەتا ڕۆح ماوە پێم گەرچی ئاڵۆزە بەڵام بمبورە چون «شێواوە» لێم تا بە ڕوناکی چرای گۆنات دەبینم دەست و پێم سەر لەسەر ئێخەی غەمی تۆ پڕ بە کوردستان دەڵێم چاوەکانم بەسیە غوربەت بێرەوە چۆن بژیم من تۆ لەوێ من لێرەوە
Nameyêkim pêgeyî her wek gulawî perçemit Weswesem kird ey xuda key dem binême naw demit Xozge demzanî le xurbet kêye bê min hawdemit Xo dezanî giyane bo min nakirê terkî xemit Çawekanim besye xurbet bêrewe Çon bijîm min to lewê min lêrewe Wêneket dermanî ser cergî birîndarî mine Wextî diltengî be bê to her ewe yarî mine Dîtinî rûnakî bo dû çawî cubarî mine Ta kû lêt dûrim ezîzm şîwenit karî mine Çawekanim besye xurbet bêrewe Çon bijîm min to lewê min lêrewe Name ser dû çawî ter wênet leduy maç kirdnî Ser dilî şêwawî xome cêy le paş helgirtinî Şem’î rût bo min heyatî baqye hel kirdnî Wa le dil halawî bexwa hesteme labirdnî Çawekanim besye xurbet bêrewe Çon bijîm min to lewê min lêrewe Seyrî kurdistanî çol kem ya temî kwêstanî dil Daxî dûrî to biçêjm ya xemî hîzar lemil Ey xezanî xem biro ba şîn bê baxim çil be çil Ey felek ba bê beharistanî min sê çepke gul Çawekanim besye xurbet bêrewe Çon bijîm min to lewê min lêrewe Şêt û maxulyay xemî tom giyane min dêwane nîm Mestî camî meylî tom û elî nêw meyxane nîm Raste sûtanim belam bê şem’e xo perwane nîm Xakî kurdistan delê pêt, role min wêrane nîm Çawekanim besye xurbet bêrewe Çon bijîm min to lewê min lêrewe Gyanekem pêt wa nebê şanoy gezaf û lafime Meylî to nîşey dilî xemdîw û sîney safime Hêrşî bed xuîyte gerdûn mû kenîzey cafime Her şewî hîcranî toye murdî ewsafime Çawekanim besye xurbet bêrewe Çon bjîm min to lewê min lêrewe Derdî dil bo kê beyan kem dil ke nalawêtewe Ew gruy girtuye çi bikem bê to jîr nabêtewe Befrî befranbare bê bay we’de qet naçêtewe Ey xuda kengê ezîzî ew diley min dêtewe Çawekanim besye xurbet bêrewe Çon bijîm min to lewê min lêrewe Bawerî naye be jînim dil bedes cizyatewe Xoşe roh derbê û becarê bîxeme jêr patewe Çunke tenya her dilêke û sed bela deybatewe Çerxî çepgerd lêm be qîne dest le min nakatewe Çawekanim besye xurbet bêrewe Çon bijîm min, to lewê min lêrewe Bulbul er meylî sefate bêre lay min lehzeyek Nabê bo nalîn û sûtan qet wekû min bendeyek Min be bendî nîşedar û toş gulî sûr desteyek To wirîngey şî’rî jêr û kew le kotrîş lenceyek Çawekanim besye xurbet bêrewe Çon bijîm min to lewê min lêrewe Gwêt le bendî axirim bigre heta roh mawe pêm Gerçî aloze belam bimbûre çun “şêwawe” lêm Ta be rûnakî çiray gonat debînim dest û pêm Ser leser êxey xemî to pir be kurdistan delêm Çawekanim besye xurbet bêrewe Çon bijîm min to lewê min lêrewe