Nasir Razazi
پێت ناخنکێندرێم گۆمەشین لە خۆبایی ئەی گۆمەشین ڕەنگە بەوەی شەپۆلەکانت بەگرمە و لرفە و هاوار و هەڕەشەن گێژ دەخۆن و خۆ بەدیواری هەڕۆڵی شاخا دەدەن بایی بووبی و ڕفاندبێتت ئەو هاوڕێی هاوسەنەگەر ئەو ڕۆڵەی شیرین ئەی وەیشوومەی نەهات بەس لە پێش چاوی گیاندار و پەلەوەری بەستەزمانی دەور و پشتت خۆبایی کە بە قاقای ڕەش بە نێو چاوانی وا گرژت ئاوازی دەلووشم دەکوژم بەس بخوێنە وس بە تاوێک مەلوورێنە گوێ ڕادێرە بزانە بە گژ کێدا هاتووی بمناسە و بە هەموو چۆمان و بە دەریا و خەلیج ڕۆخم بناسێنە لەمپەرەکەی دەریای دووکان کە پێش بە تۆ چەن ڕووباری لە تۆ بەلرفەتر دەگرێ دەسکردمە ئەو کەشتیە مەزنانەی هەزار شەپۆلی سەرکێشی تۆ دەشێلێ دەسکردمە ئەو ئاگرەی کە دەیبینی ستەمکار هەڵدەقرچێنی دەسکردمە من کارگەرم، من ڕەنجدەرم من ئینسانی تێکۆشەری جەنگاوەرم پاش وەی سەری سەرکوتکەرم پان کردەوە ئەمجار دێمە سەرینی تۆی لە خۆبایی شەرت بێ وەها بتبەستمەوە بە هەورازا بە نشێوا وێنەی ئەسپێکی دەستەمۆ بە دەشت و دەرا خۆش ئاژۆ وا بتبەم و بتگێڕمەوە لەبن هەموو دارێک هەموو بنچکێک چۆک دابدەی سوجدە ببەی بۆ دار، بۆ گوڵ، بۆ گەنم، بۆ ئاوەدانی دەستی ماندووم پڕ بکەی لە سەوزەڵانی لە هەرزانی لەسەر دەر کەی خەیاڵی زیانەخورۆیی و خنکاندن و ماڵوێرانیی لەسەر دەرکەی ئەو بای سەری لە خۆبایی لەبەر پێمدا لەبەر پێی ئینسانی ڕەنجدەر کش و ماتی مەندی گۆمت لە ترسانا بلەرزێنی لەبەر دەست و دەستەڵانی منی داهێنەر منی داهێنەری خوڵقێنەر سەری تەسلیم و چاوی ڕێزگرتن و تەعزیم دانەوێنی
Pêt naxinikêndirêm gomeşîn le xobayî ey gomeşîn Renge bewey şepolekanit be girme û lirfe û hawar û hereşen Gêj dexon û xo be dîwarî Herolî şaxa deden Bayî bûbî û rifandibêtit ew hawrêy hawseneger Ew roley şîrîn Ey weyşûmey nehat bes le pêş çawî Giyandar û pelewerî bestezmanî dewr û piştit xobayî ke Be qaqay reş be nêw çawanî wa girjit Awazî delûşim dekujim bes bixwêne Wis be tawêk melûrêne gwê radêre bizane be gij kêda hatûy Bimnase û be hemû çoman û be derya û xelîc roxim binasêne Lemperekey deryay dûkan ke pêş be to Çen rûbarî le to be lirfetir degrê deskirdime Ew keştiye meznaney hezar şepolî serkêşî To deşêlê deskirdime ew agirey ke deybînî sitemkar heldeqirçênî deskirdime Min kargerim, min rencderim Min însanî têkoşerî cengawerim Paş wey serî serkutkerim pan kirdewe Emcar dême serînî toy le xobayî Şert bê weha bitbestmewe Be hewraza be nişêwa Wêney espêkî destemo Be deşt û dera xoş ajo Wa bitbem û bitgêrmewe Le bin hemû darêk Hemû binçkêk Çok dabidey sucde bibey Bo dar, bo gul, bo genim, bo awedanî Destî mandûm pir bikey le sewzelanî le herzanî Leser derkey xeyalî zyanexuroyî û xinkandin û malwêranîy Leser derkey ew bay serî le xobayî Leber pêmda Leber pêy însanî rencder kiş û matî Mendî gomit le tirsana bilerzênî Leber dest û destelatî minî dahêner Minî dahênerî xulqêner serî teslîm û Çawî rêzgirtin û tezîm danewênî