Nawzad Dastres
شارێ ڕەنگین و جوانم کرماشان ئەی نازارەگەم خاکت سورمەی چەوەیلم بوو تۆ ئەی نازەنین شارەگەم زەردە خوەرد هەر ئاوا نەود هەر وە ئاوەدان بمینی مزگانییێد وە بانان بوو ئەی شارە کوردەواییەگەم سەراوێ نیلوفەڕێ تۆ جی سەیرانگای دڵدارانە بیستۊن و تاق وە سانم قبڵەگاهێ عاشقانە ڕیژاو و داڵاهووێ تۆ بهشتێ ڕۊیێ زەمینە پەڕاوێ سەرفەرازێ تۆ وە بەرزایێ ئاسمانە شەهرێ ڕەنگین و جوانم خاکێ پاکێ کرماشانم گوڵ و گوڵزارە یارانم خاکێ پاکێ کرماشانم ئەی دیارێ دەلیرانم ئەی دیارێ دەلیرانم ئەی ئارمگای دەلیرانم گەورە شارێ نیشتمانم زەیدێ با و باپیرانم شیرین شارێ کوردزوانم شوونێ میلکان و باوانم مەنزڵگای کوردەماڵانم وە نەزرد بوو ڕووح و گیانم خاکێ پاکێ کرماشانم
Şarê rengînû cwanim kirmaşan ey nazaregem Xakit surmey çeweylim bû to ey nazenîn şaregem Zerde xwerd her awa newd her we awedan bimînî Mizganîyêd we banan bû ey şare kurdewayyegem Serawê nîluferê to cî seyrangay dildarane Bîstiẅnû taq we sanim qiblegahê ’aşiqane Rîjawû dalahuwê to bihşitê riẅyê zemîne Perawê serferazê to we berzayê asmane Şehrê rengînû cwanim xakê pakê kirmaşanim Gulû gulzare yaranim xakê pakê kirmaşanim Ey dyarê delîranim ey dyarê delîranim Ey arimgay delîranim gewre şarê nîştimanim Zeydê baw bapîranim şîrîn şarê kurdizwanim Şûnê mîlkanû bawanim menzilgay kurdemalanim We nezird bû rûhû gyanim xakê pakê kirmaşanim