Elî Xizrî
ئەمن دەمگوت لە دنیا تا بمێنم لەبەر کەس ئەستەمە سەر دانوێنم کەچی ئێستا لە داوی بسکی تۆدا گرفتارم گوڵم موو ناپسێنم ژیانم پر لە ڕەنجە و نامرادی بە هەڵکەوتیش نەهاتم تووشی شادی دڵم هێند تەنگە هەر جێی تۆ دەبێ و بەس ئەتۆش مەحکوومی حەپسی ئینفیرادی قەرار بوو بێی لەگەڵ خۆت شادی بێنی نەهاتی، گەرچی پێت دابووم بەڵێنی لە ناو کوردا نەبوو پەیمان شکاندن لە کێ فێر بووی گوڵم پەیمان شکێنی؟ ئەگەرچی ڕۆیی قەت ناچی لە یادم دەکەم یادت، بەیادی تۆوە شادم کە بارگەت بۆ هەوار تێک نا عەزیزم شکا ئەستووندەکی تاوڵی مرادم شەوانە هاونشینی جامی بادەم بە بادە با پەژارە و غەم بە با دەم کە دەستی ڕۆژگار بای دا سەری من سەری شووشەی شەراب وا چاکە بادەم
Emin demgut le dinya ta bimênim Leber kes esteme ser danwênim Keçî êsta le dawî biskî toda Giriftarim gulim mû napsênim Jyanim pir le rencew namradî Be helkewtîş nehatim tûşî şadî Dilim hênd tenge her cêy to debêw bes Etoş mehkûmî hepsî înfîradî Qerar bû bêy legel xot şadî bênî Nehatî, gerçî pêt dabûm belênî Le naw kurda nebû peyman şikandin Le kê fêr bûy gulim peyman şikênî? Egerçî royî qet naçî le yadim Dekem yadit, beyadî towe şadim Ke barget bo hewar têk na ’ezîzim Şika estûndekî tawlî miradim Şewane hawinşînî camî badem Be bade ba pejarew xem be ba dem Ke destî rojgar bay da serî min Serî şûşey şerab wa çake badem