Heme Ceza
ڕێگە چۆڵ کەن هەستنە سەر پێ وا ئەسپێکی سپی یاڵ سوور لە پێدەشتی کەرکووکەوە ئەحیلێنێ و بۆ ئێرە دێ ئەی ئەسپەکەی تەوێڵ ماروی گەرمیانم ئەوەی بەفر و گڕ و شەپۆلی ناسیبێ ئەوەی شمشێری بروسکە و با و بۆرانی کێوی دیبێ تۆ ئەناسێ تۆ ئەناسێ ئەی ڕەشەبای لە پاشکۆدا خۆر سوار کردوو ئەوەی جارێ گوڵاڵە سوورەی چاوڕەشی ڕەحیماوا و مناڵانی سەر قۆچکەتاشی لەیلان و کێڵگەی برسی دووزی دیبێ تۆ ئەناسێ تۆ ئەناسێ کۆ بنەوە و هەستنە سەر پێ سەر هەڵبڕن بازێک شەڵالی خوێناوە و تۆزێکی تر بەمناوەدا تێ ئەپەڕێ ڕووەو قەندیل بەسەر هەورازی شەختەدا نزم ئەفڕێ هەتا ئەگاتە سەر لوتکە و ئەچێ لەوێ و لە پەڵە خوێنی نازمدا بە هێواشی ڕائەکشێ ڕێگە چۆڵ کەن هەستنە سەر پێ زریان گڤەی ون کردووە و بۆی ئەگەڕێ گرمیان کوورەی کاوەیە و جۆش دراوە تەماشا کەن هەرچی گردۆڵکەی پێدەشتی لەش چنراوە وەکوو دایکانی وڵاتەکەم بنچکی قژ و ئەگریجەی گژ و گیایان لە ملیاندا ئاڵۆسکاوە مامە ڕیشە ئەی پڵنگی چنگ بە گڕی گەرمیانم بەیتی تازەی توحفەی ئەمڕۆی کوردستانم لە ماڵانی گوند بە گوندی هەڵقرچاوا تۆ قوتیلکەی بەر هەیوانی داسی دروێنەوە و هەتاوی سەر بانیژەی زستانانی مانگەشەوی هێشوی ڕەزی، هاژەی چەم و وژەوژی دارستانی ئاگری شوانی، وەکوو باران وەکوو کانی وەک دەغڵ و دان خۆشەویستی تۆ کوڕی بابە گوڕگوڕی، داستانێکی سەدی بیستی هۆنراوە: شێرکۆ بێکەس
Rêge çol ken hestine ser pê Wa espêkî sipî yal sûr Le pêdeştî kerkûkewe ehîlênê û bo êre dê Ey espekey tewêl marwî germyanim Ewey befir û gir û şepolî nasîbê Ewey şimşêrî biruske û ba û boranî kêwî dîbê To enasê To enasê Ey reşebay le paşkoda xor swar kirdû Ewey carê gulale sûrey çawreşî rehîmawa û minalanî ser qoçketaşî leylan û kêlgey birsî dûzî dîbê To enasê To enasê Ko binewe û hestine ser pê ser helbirn Bazêk şelalî xwênawe û tozêkî tir bemnaweda tê eperê Ruwew qendîl beser hewrazî şexteda nizim efrê Heta egate ser lutke û eçê lewê û le pele xwênî nazmida be hêwaşî ra’ekşê Rêge çol ken hestine ser pê Ziryan givey win kirduwe û boy egerê Girmyan kûrey kaweye û coş dirawe Temaşa ken herçî girdolkey pêdeştî leş çinrawe wekû daykanî wilatekem biniçkî qij û egrîcey gij û gyayan le milyanda aloskawe Mame rîşe ey pilingî çing be girî germyanim Beytî tazey tuhfey emroy kurdistanim Le malanî gund be gundî helqirçawa To qutîlkey ber heywanî Dasî dirwênewe û hetawî ser banîjey zistananî Mangeşewî hêşwî rezî, hajey çem û wijewjî daristanî Agirî şwanî, wekû baran wekû kanî wek dexil û dan xoşewîstî To kurî babe gurgurî, dastanêkî sedî bîstî Honrawe: şêrko bêkes