Mîdya Husên
هەتا زووە بەجێم بێڵە با تۆش لەگەڵ منا نەمری کە من ئاتەشگای عەشق بم تۆ چۆن بەرگەی سووتان دەگری لە دەروازەی دڵێک مەدە پەنجەرەکانی شکا بێ لەسەر چەرپای کەسێک مەنوو لە بەر بارانی ئەشکا بێ من کووخێکی چۆڵ کراوەم سەراپا نوقمی لیتە و شێم دەترسم لە یەکەم ژووانا بەسەر باڵاتا بڕووخێم ئەیامێکە بەجێی هێشتووم پەری تەرزێکی گوڵ ئەندام بۆ سەبووری ماڵی چۆڵم لەچکەکەی جێ ماوە لە لام تۆش دەسڕەکەی(ت) بەجێ بێڵە بۆ عەشقی دیدە نمناکێ با بۆ مراز نیشانە بن وەک بەیداخی گڵکۆی چاکێ گڵکۆی چاکێ بۆ دوا جارە بەجێت دێڵم دەماڵاوا ئازیزەکەم شاخ و گرد و هەرد ئەکێڵم دەماڵاوا ئازیزەکەم هەی بۆ ئامانجی ڕۆژی ڕووناک لە ڕێگەی تاریکی وێڵم بەجێت دێڵم بەجێت دێڵم دەبا بمرم لە ڕێگەی عەشق و ئازادی دڵ پڕ خوێنە وەک شەرابی جامی بەومەست بە دەستی خۆت بیڕژێنە چوونکە دڵم پڕ بێ لە ئێش ئیلاجی نەکرێ زامەکەی ڕوو ئەکەمە هاوڕێکانم چاری نییە بە بادە و مەی بەجێت دێڵم بەجێت دێڵم ئەڕۆم گیانا لە دوورەوە یادی(ت) ئەکەم ئەزانی بۆ سەنگەرەکەم زۆر خۆش ئەوێ ئەویش تێکەڵ دوعا بە تۆ بەجێت دێڵم بەجێت دێڵم بۆ دوا جارە بەجێت دێڵم دەماڵاوا ئازیزەکەم شاخ و گرد و هەرد ئەکێڵم دەماڵاوا ئازیزەکەم هەی بۆ ئامانجی ڕۆژی ڕووناک لە ڕێگەی تاریکی وێڵم بەجێت دێڵم بەجێت دێڵم چەرپا= تەختی نووستن کووخ= خانووی بچووک لیتە= قوڕی شل شێ= نم مراز= نیاز، مەبەست
Heta zuwe becêm bêle ba toş legel mina nemrî Ke min ateşgay ’eşq bim to çon bergey sûtan degrî Le derwazey dilêk mede pencerekanî şika bê Leser çerpay kesêk menû le ber baranî eşka bê Min kûxêkî çol kirawem serapa nuqmî lîte û şêm Detirsim le yekem juwana beser balata birûxêm Eyamêke becêy hêştûm perî terzêkî gul endam Bo sebûrî malî çolim leçkekey cê mawe le lam Toş desrekey(t) becê bêle bo ’eşqî dîde nimnakê Ba bo miraz nîşane bin wek beydaxî gilkoy çakê Gilkoy çakê Bo dwa care becêt dêlim demalawa azîzekem Şax û gird û herd ekêlim demalawa azîzekem Hey bo amancî rojî rûnak le rêgey tarîkî wêlim Becêt dêlim Becêt dêlim Deba bimirim le rêgey ’eşq û azadî dil pir xwêne Wek şerabî camî bewmest be destî xot bîrjêne Çûnke dilim pir bê le êş îlacî nekirê zamekey Rû ekeme hawrêkanim çarî nîye be bade û mey Becêt dêlim Becêt dêlim Erom gyana le dûrewe yadî(t) ekem ezanî bo Sengerekem zor xoş ewê ewîş têkel du’a be to Becêt dêlim Becêt dêlim Bo dwa care becêt dêlim demalawa azîzekem Şax û gird û herd ekêlim demalawa azîzekem Hey bo amancî rojî rûnak le rêgey tarîkî wêlim Becêt dêlim Becêt dêlim Çerpa= textî nûstin Kûx= xanûy biçûk Lîte= qurî şil Şê= nim Miraz= nyaz, mebest