Nasir Rezazî
مامە کوڕنوو، ڕاکشاوی گردەکەی سەیوانەکەم سەر ڕەحەت، دڵ بێ گرێ، گوێ شل کە بۆ داستانەکەم مامە کوڕنووی ڕاکشاوی گردەکەی سەیوانەکەم سەر ڕەحەت، دڵ بێ گرێ، گوێ شل کە بۆ داستانەکەم سەیرە، بەزمە، هەڵپەڕینە، پڕ لە قاقا و خەندەیە نەعرەتەی گوێ کەڕ ئەکا، جۆش و کوڵی سەیرانەکەم ئەرخەوان سوورە، بەهارە، گوڵشەنە، ڕازاوەیە دەشت و کۆ ڕەنگین و پڕشۆیە وەنەوشەی یانەکەم خەرمەنی لالە لە کۆهساران و پێدەشت و نشێو سوورترە لەو خوێنە باریوەی کوڵی گریانەکەم دلبەران سرک و بەنازن، ڕەوتی نەرم و ئیستەکە سەد توانج ئەگرێتە ئاهووی دەشتەکەی شێروانەکەم هەڵبڕە چاوی نومایش تێر سەرنجی ورد بدە وەک بەجێت هێشت وا نەماوە شارەکەی جارانەکەم مامە کوڕنوو چی بڵێم زیاتر لەوەی «خالس» ئەڵێ: فێست و ڕێوی و مێزەر و مەیموونە سەیری بانەکەم وەک وتم: سەیرە لە بانە... یا وەکوو «نالی» ئەڵێ: زیندەگیم تاڵە کە زەلکاو بێ بە تیمارخانەکەم! کوڕنوو: ئەحەی کوڕنوو، ناوی ئەحمەدی کوڕنووە لە زەمانی کاک ئەحمەدی شێخا نۆکی کوڵانووە، لەبەر ئەوەی پیاوێکی خۆش مەشرەب و قسەخۆش بووە و حەرەکاتی سەیر و سەمەرەی کردووە و بۆتە هۆی بەزم و پێکەنین و خۆشی، کاک ئەحمەد بردوویەتی بۆ حەج. پیاوێکی عاقڵ و هۆشمەند بووە... گاڵتەی بە ناهەمواری زەمانە هاتووە. خەڵکی شاری سلێمانی بووە و هەر لەوێش کۆچی دوایی کردووە. سەر ڕەحەت: مێشک هێمنە و بە هیچ کارێکی ناڕەواوە خەریک و ماندوو نییە. گوێ شل کە: گوێ بگرە. نەعرەتە: بۆ دەنگ و هاوارێکی بەرز و بەهێز بەکار دێت و وەک ئەڵێن: نەعرەتەی شێر یا نەڕەی شێر. پڕ شۆیە: تەڕ و تووشە. یانەکەم: خانەکەم، خانووەکەم. سرک: ڕانەهاتووە، دەستەمۆ نەبوون. ئێستەکەی: وەستانێکی ساتەوەختی. دەشتەکەی شێروانەکەم: مەبەست لە دەشتی گەرمیانە و کەوتۆتە نێوان قەڵای شێروانەی لای دەربەندی خان و کفری و کەلار. چاوی نومایش: چاوی بینایی و تەماشا کردن. شارەکەی جارانەکەم: مەبەست لە شاری سولەیمانیی نازدار و پیرۆزە. پڕ لە ئافاتی لەپڕ بوو: واتە پڕ بوو لە زیان بەخشین و کاری ترسناکی کۆت و پڕ... زۆر جار ئەوترێ: ئەم لافاوە بێ ئافات، بێ واتە، بێ زیان و بێ ترس بێت، بێ وەی بێ. بێتە پشکوتن دەمێ: دەمێ: واتە بۆ ساتێک بپشکوزێ. بێ خەوی: بێداری، بە خەبەر، لێرەدا بە واتای ئێشک گرتن دێت. خالس: نازناوی شیعری شاعیر.
Mame kurnû, rakşawî girdekey seywanekem Ser rehet, dil bê girê, gwê şil ke bo dastanekem Mame kurnûy rakşawî girdekey seywanekem Ser rehet, dil bê girê, gwê şil ke bo dastanekem Seyre, bezme, helperîne, pir le qaqaw xendeye Ne’retey gwê ker eka, coşû kulî seyranekem Erxewan sûre, behare, gulşene, razaweye Deştû ko rengînû pirşoye wenewşey yanekem Xermenî lale le kohsaranû pêdeştû nişêw Sûrtire lew xwêne barîwey kulî giryanekem Dilberan sirkû benazin, rewtî nermû îsteke Sed twanc egrête ahûy deştekey şêrwanekem Helbire çawî numayş têr serincî wird bide Wek becêt hêşt wa nemawe şarekey caranekem Mame kurnû çî bilêm zyatir lewey «xals» elê: Fêstû rêwîw mêzerû meymûne seyrî banekem Wek witim: seyre le bane... ya wekû «nalî» elê: Zîndegîm tale ke zelkaw bê be tîmarxanekem! Kurnû: ehey kurnû, nawî ehmedî kurnuwe le zemanî kak ehmedî şêxa nokî kulanuwe, leber ewey pyawêkî xoş meşrebû qisexoş buwew herekatî seyrû semerey kirduwew bote hoy bezmû pêkenînû xoşî, kak ehmed birdûyetî bo hec. pyawêkî ’aqlû hoşmend buwe... galtey be nahemwarî zemane hatuwe. xelkî şarî silêmanî buwew her lewêş koçî dwayî kirduwe. Ser rehet: mêşk hêmnew be hîç karêkî narewawe xerîkû mandû nîye. Gwê şil ke: gwê bigre. Ne’rete: bo dengû hawarêkî berzû behêz bekar dêtû wek elên: ne’retey şêr ya nerey şêr. Pir şoye: terû tûşe. Yanekem: xanekem, xanuwekem. Sirk: ranehatuwe, destemo nebûn. Êstekey: westanêkî satewextî. Deştekey şêrwanekem: mebest le deştî germyanew kewtote nêwan qelay şêrwaney lay derbendî xanû kifrîw kelar. Çawî numayş: çawî bînayîw temaşa kirdin. Şarekey caranekem: mebest le şarî suleymanîy nazdarû pîroze. Pir le afatî lepir bû: wate pir bû le zyan bexşînû karî tirsinakî kotû pir... zor car ewtirê: em lafawe bê afat, bê wate, bê zyanû bê tirs bêt, bê wey bê. Bête pişkutin demê: Demê: wate bo satêk bipşikuzê. Bê xewî: bêdarî, be xeber, lêreda be watay êşk girtin dêt. Xals: naznawî şî’rî şa’îr.