Yedê Şakirî
لێت پرسیوم چۆنم لەم بەندیخانە خەم دەخۆم و ئازار دەچێژم گیانە ئازاری ئەم گۆڕیچکە نەیبەزاندووم لە حەژمەتی فەراقی تۆیە ماندووم بۆ هەر لایێ ئەسپی خەیاڵ دەئاژۆم هەر ڕوو لە تۆ دەکا دڵەی خەماژۆم پەریی چاوی تۆ دەستی لێ وەشاندووم شێتی کردووم و تۆی لە دڵ نەخشاندووم هەر چەندە من هەڵۆی ئەشکەستە باڵم هێشتا بەسەر ئاقاری خۆما زاڵم وەک قەندیل و هەڵگورد و پیرەمەگروون سەری بەرزم دانانەوێ بۆ گەردوون لەو کاتەی تۆ بووی بە یار و گراوم بە زنجیری ئەوین شەتەک دراوم ئەی کەنیشکە جوانەکە خوای دڵداری شاکاری پڕ لە نەخش و وردەکاری زامی ناسۆری ئەم دڵە خەم ڕێژە بە هەتوانی دیتنی تۆ ساڕێژە
Lêt pirsîwim çonim lem bendîxane Xem dexomû azar deçêjim gyane Azarî em gorîçke neybezandûm Le hejmetî feraqî toye mandûm Bo her layê espî xeyal de’ajom Her rû le to deka diley xemajom Perîy çawî to destî lê weşandûm Şêtî kirdûmû toy le dil nexşandûm Her çende min heloy eşkeste balim Hêşta beser aqarî xoma zalim Wek qendîlû helgurdû pîremegrûn Serî berzim dananewê bo gerdûn Lew katey to bûy be yarû girawim Be zincîrî ewîn şetek dirawim Ey kenîşke cwaneke xway dildarî Şakarî pir le nexşû wirdekarî Zamî nasorî em dile xem rêje Be hetwanî dîtnî to sarêje