Husên Sefamenş
خانمی باڵانزمەگە، ها ژێر دارە وزمەگە لێوی کەنۊ کوێستانە، دگان وەفرێ زمسانە گوونای هەنار باخانە، ئاسکی تەرکەبانانە خانمی نارنج دەمەگە، پا نا لەناو چەمەگە چەمەیل پڕ بۊین لە ماسی وڵات وەر کرد لە خاسی خانمی ئمشەو هەورەیل وارینە دۊەتێگ لەناو دارینە نازار ناوی نارینە خانمی کوردی خوارینە خانمی دووسە گیانیەگەس شیرینەی کرماشانیەگەس شیرینە، فەقەت لەی شارە عشقی تێریکەبازاڕە ئەسرارێ ها لە دیدەی دیدەی خودا ڕەژیدەی باڵێ چەو بەی لە سەنگا وەو سانەگەی بێدەنگا حەفت پەل زوان ڕاس کەیدن کوێستان لەگیان ئاس کەیدن خوەر لە زەردەی ئێواران زەڕینە و سیمینەی وەهاران نەرمە سروەی پای داران چۆپی بەرزەچناران کاڵێ، کراس واڵەگەس دۊەتێ گەورەماڵەگەس زوڵفی وێنەی سێدارەس پەپوو تەنیای ئێوارەس خانمی کراس سەوزەگە پا نا لە ناو حەوزەگە شەوارێگ زوڵف ها سەریا دەیشتێگ لە گوڵ ها وەریا
Xanmî balanzimege, ha jêr dare wizmege Lêwî kenẅ kwêstane, digan wefrê zimsane Gûnay henar baxane, askî terkebanane Xanmî narinc demege, pa na lenaw çemege Çemeyl pir biẅîn le masî Wilat wer kird le xasî Xanmî Imşew hewreyl warîne Diẅetêg lenaw darîne Nazar nawî narîne Xanmî kurdî xwarîne Xanmî dûse gyanyeges Şîrîney kirmaşanyeges Şîrîne, feqet ley şare ’işqî têrîkebazare Esrarê ha le dîdey Dîdey xuda rejîdey Balê çew bey le senga Wew sanegey bêdenga Hefit pel zwan ras keydin Kwêstan legyan as keydin Xwer le zerdey êwaran Zerînew sîmîney weharan Nerme sirwey pay daran Çopî berzeçnaran Kalê, kiras waleges Diẅetê gewremaleges Zulfî wêney sêdares Pepû tenyay êwares Xanmî kiras sewzege Pa na le naw hewzege Şewarêg zulf ha serya Deyştêg le gul ha werya