Leyla Ferîqî
وام ئەزانی گەر سەفەر کەم ئیتر تۆم بیر ئەچێتەوە چیتر ڕەگی خۆشەویستیت لە ناو دڵما وشک ئەبێ و ناژێتەوە کەچی نەمزانی عەشقت دەبێتەوە تەوقێک و دێتە ملم زامی دڵیش سات لە دوایی سات گەورە دەبێ و ئەکولێتەوە گەر دووریش بیت و نەتبینم قەت ساڕێژ نابێ برینم تەنیا هەر تۆی نازەنینم هەر بۆ تۆیە خەندە و شینم بەجێت دێڵم دڵنیاشم ئەگەر ڕۆیشتم سەرابترین ژینی دنیا لە غەریبی چاوەڕێمە بەجێت دێڵم گەر نامۆش بووم ئەندێشەی تۆ و بیرەوەری و یادەکانت هەموو شەوێ مۆتەکەیە و لە سەر جێما لە یاد ناچێ لە یاد ناچێ سیمای مەرگی ئەرخەوانی عەشقێکی وێڵ لەسەر ڕێمە وا ئەڕۆم و سەری کاسم هەڵگرتووە هەگبەی غەمم لە کۆڵ ناوە دڵی وێڵم بە ناچاری بە زیندوویی لە چاڵ ناوە، لە چاڵ ناوە دەمێ ساڵە چاوەڕێم و داری هیوام بەر ناگرێ زۆر لە مێژە عەشقی تۆم و گوڵی عومرم چرۆ ناگرێ عازیزەکەم وا ئەڕۆم و هەنگاوەکان بەرەو دواوە ڕامئەکێشن یادگارییەکان، هەناسەی بێ ئومێدیم بۆ هەڵئەکێشن عازیزەکەم گەر ڕۆیشتیشم لەگەڵ زەردەی ئێوارانا یادی خەندەم بکەرەوە لەگەڵ ڕەهێڵەی بارانا گریانم بێنەرەوەیە لەگەل وەرینی گەڵادا سۆزی عەشقی بەجێماوم ئارامگای دڵەی شێوام بۆ ساتێ بەسەر کەرەوە ئەڕۆم، ئەڕۆم تا ئەگەمە ئەو جێگایەی تۆیەکی تر ئەدۆزمە یان ئەمجارەش بە ناچاری کۆرپەی خۆزگەم بە دەستی خۆم ئەنێژمەوە ئەڕۆم تا ئەگەمە ئەو جێگایەی تۆیەکی تر
Wam ezanî ger sefer kem îtir tom bîr eçêtewe Çîtir regî xoşewîstît le naw dilma wişk ebêw najêtewe Keçî nemzanî ’eşqit debêtewe tewqêkû dête milim Zamî dilîş sat le dwayî sat gewre debêw ekulêtewe Ger dûrîş bîtû netbînim qet sarêj nabê birînim Tenya her toy nazenînim her bo toye xendew şînim Becêt dêlim Dilnyaşim eger royştim serabtirîn jînî dinya le xerîbî çawerême Becêt dêlim Ger namoş bûm endêşey tow bîrewerîw yadekanit hemû şewê motekeyew le ser cêma le yad naçê Le yad naçê Sîmay mergî erxewanî ’eşqêkî wêl leser rême Wa eromû serî kasim helgirtuwe hegbey xemim le kol nawe Dilî wêlim be naçarî be zîndûyî le çal nawe, le çal nawe Demê sale çawerêmû darî hîwam ber nagrê Zor le mêje ’eşqî tomû gulî ’umirim çiro nagrê ’azîzekem Wa eromû hengawekan berew dwawe ram’ekêşin Yadgarîyekan, henasey bê umêdîm bo hel’ekêşin ’azîzekem Ger royştîşim legel zerdey êwarana yadî xendem bikerewe Legel rehêley barana giryanim bênereweye Legel werînî gelada sozî ’eşqî becêmawim aramgay diley şêwam bo satê beser kerewe Erom, erom ta egeme ew cêgayey toyekî tir edozme Yan emcareş be naçarî korpey xozgem be destî xom enêjmewe Erom ta egeme ew cêgayey toyekî tir