Aram Mistewfî
حەنایی کردووە پەنجەی بە خوێناوی دڵی زارم ئەمە ڕەنگە شەهادەت بێ کە کوشتەی دەستی دڵدارم گوتم: ئایا بە زاری خۆت دەپرسی حاڵی زاری من؟ برۆی هێنایە یەک، وەک شکڵی «لا» یەعنی کە بێزارم عەجەب ئەستێرە شەو هەڵدێ لە تاوی خوسرەوی خاوەر بە ڕووی تۆم دیدە هەڵنایێ شەو و ڕۆژ، ئەرچی بێدارم تەبیبی من دەبێ دەخڵی هەبێ، ساحیب ئیشارەت بێ مەگەر چاوت بزانێ من لەبەر چی مەست و بیمارم! بە سەروم وت کە ڕاستە سەرکەش و بەرزی، کەچی لەرزی: کە فەرقیشم بگاتە ئاسمان بەندەی قەدی یارم! لە شیرینی ئەتۆ، ئەی خوسرەوی تەختی زەمین، ڕەنگە بگاتە ئاسمانی بێستوون فەرهادی هاوارم برۆت باڵی هوما سایەی سەری سوڵتانی حوسنت بوو خەتت هات و وتی: من ناسیخی توغرایی خونکارم سەراپا هەروەکوو حەڵقەی زرێ پەروێزەیی خوێنم بە یەک یەک تیری موژگانی زرێ دۆزت بریندارم حەمایێڵ کە دەمی تێغت لە حەڵقەی گەردنی نالی مەگەر تێراو ببم بەو ڕەنگە، تینووی ساعیدی یارم
Henayî kirduwe pencey be xwênawî dilî zarim Eme renge şehadet bê ke kuştey destî dildarim Gutim: aya be zarî xot depirsî halî zarî min? Biroy hênaye yek, wek şiklî «la» ye’nî ke bêzarim ’eceb estêre şew heldê le tawî xusrewî xawer Be rûy tom dîde helnayê şewû roj, erçî bêdarim Tebîbî min debê dexlî hebê, sahîb îşaret bê Meger çawit bizanê min leber çî mestû bîmarim! Be serum wit ke raste serkeşû berzî, keçî lerzî: Ke ferqîşim bigate asman bendey qedî yarim! Le şîrînî eto, ey xusrewî textî zemîn, renge Bigate asmanî bêstûn ferhadî hawarim Birot balî huma sayey serî sultanî husinit bû Xetit hatû witî: min nasîxî tuxrayî xunkarim Serapa herwekû helqey zirê perwêzeyî xwênim Be yek yek tîrî mujganî zirê dozit birîndarim Hemayêl ke demî têxit le helqey gerdinî nalî Meger têraw bibim bew renge, tînûy sa’îdî yarim