Husên Sefamenş
یانی تۆ بچید و من لەی شارە بمێنم وە خودا نە بیلم ک بێجگە سەر تۆ بوودە سەرینم وە خودا نە یانی ک ئەو شەوق تەماشای خوەشدە وە لای من نەود ئەسرم نەڕشێد و گشت نەزانن ک خەمینم وە خودا نە تۆ لیمو زەردەگەی قەسر شیرینی فریشتە سەوزەگەی بان زەمینی خودا کارێگ بکەی وە خاتر عشق ئەڕای سەد ساڵ تر وەیرە بمێنی یانی کە تۆ ئی هەمکە لە م دۊر بمینید و من ئەوسا تا لای خودا خوەی نەڕەسێ وەی وەی و شینم وە خودا نە یانی کە یەی مۊ لە سەرد کەم بکەن و نازد بشیوێ ئەمجا م پەیا بووم و تەقاس تۆ نەسینم وە خودا نە تۆ دارە بەرۊەگەی شار گێڵانی هسارە بەرزەگەی ناو ئاسمانی من و تۆ کەڵهوڕیم لە هووز عشقیم دوارە وادەمان ئەوپەڕێ کانی یانی قەسەم بایە زوانم چەو بەدخا درارم دونیا بتوایدەن سەر ئی قسیە نەمینم وە خودا نە یانی کە تۆ یە وەخت زوانم بووە لاڵ بمری من ئەوسا ئەمجا دۊای مردن تۆ نازار بمینم وە خودا نە سەرد بار تا بنەمەو بان شانم تۆ نازیدن عەزیزیدن م زانم چمانێ کز هەڵاتیدە نەمینم بخەن دەرد وە لیم دەردد وە گیانم
Yanî to biçîdû min ley şare bimênim we xuda ne Bîlim k bêcge ser to bûde serînim we xuda ne Yanî k ew şewq temaşay xweşde we lay min newd Esirim nerşêdû gişt nezanin k xemînim we xuda ne To lîmu zerdegey qesir şîrînî Firîşte sewzegey ban zemînî Xuda karêg bikey we xatir ’işq Eray sed sal tir weyre bimênî Yanî ke to î hemke le m diẅir bimînîdû min ewsa Ta lay xuda xwey neresê wey weyû şînim we xuda ne Yanî ke yey miẅ le serd kem bikenû nazd bişîwê Emca m peya bûmû teqas to nesînim we xuda ne To dare berẅegey şar gêlanî Hisare berzegey naw asmanî Minû to kelhurîm le hûz ’işqîm Dware wademan ewperê kanî Yanî qesem baye zwanim çew bedxa dirarim Dunya bitwayden ser î qisye nemînim we xuda ne Yanî ke to ye wext zwanim buwe lal bimrî min ewsa Emca diẅay mirdin to nazar bimînim we xuda ne Serd bar ta binemew ban şanim To nazîdin ’ezîzîdin m zanim Çimanê kiz helatîde nemînim Bixen derd we lîm derdid we gyanim