Ebdula Peşêw
لە چەمچەماڵ بووم نەوەت و دوو بوو بۆ بەهار درەنگ بۆ هاوین زوو بوو سەنگەری دوژمن چەشنی مار وابوو تفەنگهاوێژێک دوور پەپکەی دابوو منداڵێک دەستی وەک تۆکڵەلیمۆی لە دەستی دایکی ڕەشپۆشی بەردا دەستی گوشیم و کردی بە هی خۆی ئیدی لەوساوە توند توند گرتوویە و قەت بەری نادا دەپاڕێمەوە بۆ یەک ساتیش بێ ئازادم بکا پاڕانەوکەم دەڕوا بە بادا! هەرچی دەگوترێ هەرچی دەنووسرێ لەسەر ئازادی و بێپەروایی من گشتی ئەفسانە هەمووی درۆیە! کاتی هاتووە دانی پیا بنێم: قەڵەمی منیش بووە بە کۆیلە نە ڕەها و ئازاد نە سەربەخۆیە ئەوەی دەیگێڕێ دەستۆکەیەکی ڕەقەڵەی زەردی وەکوو لیمۆیە
Le çemçemal bûm Newetû dû bû Bo behar direng bo hawîn zû bû Sengerî dujmin çeşnî mar wabû Tifengihawêjêk dûr pepkey dabû Mindalêk destî wek toklelîmoy Le destî daykî reşpoşî berda Destî guşîmû kirdî be hî xoy Îdî lewsawe Tund tund girtûyew qet berî nada Deparêmewe Bo yek satîş bê azadim bika Paranewkem derwa be bada! Herçî degutrê Herçî denûsrê Leser azadîw bêperwayî min Giştî efsane Hemûy diroye! Katî hatuwe danî pya binêm: Qelemî minîş buwe be koyle Ne rehaw azad Ne serbexoye Ewey deygêrê Destokeyekî reqeley zerdî wekû lîmoye