Ednan Kerîm
دواوانەکەی شوێن ماڵەگەورە سەرەو خوار ئەڕۆی بە پێچ و دەورە لە ڕاگوزەرتا بە دڵەی پڕ غەم ڕۆژی ڕووناکم لێ بووە بە تەم تۆ بە ڕووناکی وێنەی بلووری ئاوی زندەگی گشت شارەزووری ئەناڵم ئەڵێم: تۆ وەک ئاوێنەی بۆ شوێن دەستکردی کردگار وێنەی بۆچ پێم نانوێنی وێنەی فتوگراف وێنەی شیرینی نازدارانی جاف نموونەی دەستی پەروەردگار بوون بە دەوری تۆدا گوڵی بەهار بوون بە شەدەی لار و کراسی کەتان وەک مانگ «کەتان» ی جەرگیان ئەسووتان وەک مانگ بە شەدەی تاریکی دەیجوور بورجی ڕەشماڵیان پڕ ئەکرد لە نوور شەوی مانگەشەو ئاوایی خەوتن لە دوای سرەوتن کاتی تێکەوتن ئەو لەش و لارە بە شڵپەی مەلە دڵی دڵداریان ئەخستە پەلە ئاوازی سەقر و باز و باڵەبان حیلەی مایینی جنسی کەحیلان ئای بۆ «پەری خان» نازداری جافان ئاهووی زەڕباهووی عەنبەر کڵافان ماڵە بەگزادە و سیڕەی سەماوەر ڕووی ئەو ڕووبارەی وا ئەگرتە بەر توخوا ئاوەکەی بۆن گوڵاوەکە! بۆ سەرچاوەکە کەمێ لا وەکە بڕوانم ئاخۆ جامی فتوگراف نیشانم نادات شێوەی ئێلی جاف هۆنراوە: #پیرەمێرد
Dwawanekey şwên malegewre Serew xwar eroy be pêçû dewre Le raguzerta be diley pir xem Rojî rûnakim lê buwe be tem To be rûnakî wêney bilûrî Awî zindegî gişt şarezûrî Enalim elêm: to wek awêney Bo şwên destikirdî kirdigar wêney Boç pêm nanwênî wêney fitugraf Wêney şîrînî nazdaranî caf Nimûney destî perwerdigar bûn Be dewrî toda gulî behar bûn Be şedey larû kirasî ketan Wek mang «ketan» y cergyan esûtan Wek mang be şedey tarîkî deycûr Burcî reşmalyan pir ekird le nûr Şewî mangeşew awayî xewtin Le dway sirewtin katî têkewtin Ew leşû lare be şilpey mele Dilî dildaryan exsite pele Awazî seqrû bazû baleban Hîley mayînî cinsî kehîlan Ay bo «perî xan» nazdarî cafan Ahûy zerbahûy ’enber kilafan Male begzadew sîrey semawer Rûy ew rûbarey wa egirte ber Tuxwa awekey bon gulaweke! Bo serçaweke kemê la weke Birwanim axo camî fitugraf Nîşanim nadat şêwey êlî caf Honrawe: #pîremêrd