Ednan Kerîm
ئاوایی دڵم چۆڵە بە بێ خێڵی خەیاڵت ئاوایی بە دڵداری بفەرموو دڵ و گیانم عەهدێکە دوو پێم ناوەتە ڕێی عەشقت و ماتم بۆ شوێنەونی هەر بە تەما و هاتی ژوانم دیقەت لە قەدی ئەلف و کەچی لامی دوو زوڵفە لەم ماتەمەدا ماوە دڵ و لاڵە زمانم چاوم کە ڕوا خوێن بوو لە بۆ چاو و ڕوانی بێ چاو و ڕوو بۆ تیلەی چاوێکە ئەڕوانم دەم عەتری شەکەر قەترە مەگەر لێوی تۆ چاکە دوو لێوی بەبار زەردی ڕواند ڕۆحی ڕەوانم ئەی بوون و نەبوونی نەفەست مان و نەمانم بێ نەقدی هەوا مردن و سەر کاتە ژیانم ئاوارە دەکا پەرچەمی ئێوارە تەماشام وا هەر بە تەما چوونی شەو و بوونی بەیانم
Awayî dilim çole be bê xêlî xeyalit Awayî be dildarî bifermû dilû gyanim ’ehdêke dû pêm nawete rêy ’eşqtû matim Bo şwênewnî her be temaw hatî jwanim Dîqet le qedî elfû keçî lamî dû zulfe Lem matemeda mawe dilû lale zimanim Çawim ke rwa xwên bû le bo çawû rwanî Bê çawû rû bo tîley çawêke erwanim Dem ’etrî şeker qetre meger lêwî to çake Dû lêwî bebar zerdî rwand rohî rewanim Ey bûnû nebûnî nefest manû nemanim Bê neqdî hewa mirdnû ser kate jyanim Aware deka perçemî êware temaşam Wa her be tema çûnî şewû bûnî beyanim