Şivan Perwer
هەی گدی دنیایێ! دنیا ب خوەشی و ب زلم! ما قەی تو تەرا ئینسانا ناکی تە ئینسانێن خوەش و دەلال چێکرییە و ئافراندی بۆ چ چاڤێ ئینسانان بار و تێر نابێ گەهـ ل سەر تە خوەش دکن گەهـ دوومان و ئەورێ رەش و تاری ب سەر تە دە دبارینن هەڤدو دقەلینن هەی گدی ئینسان! بۆ چ چاڤێن تە تێر و بار نابێ ما رووکێ دنیایێ تێرا تە ناکێ؟ پێر ناگازاکی، هرۆشیما دۆهـ ل ڤەتنامێ و ئیرۆ ل کوردستانێ ما هەلەپچە هندک ئە سال 1988، مەها ئادارێ گولێ نەورۆزێ دسا دپشکڤین ئەورێن رەش و تاری ل سەر نەورۆزادا هاتن بە کێف و شâهی، بێ خوەشی نەورۆزا دسا سەرێ خوە خارکرن و تۆڤێ خوە بەردا بنێ ئەردێدا ژبۆ جارەک دن شین وەرن.. وەی لۆ لۆ، وەی لۆ لۆ وەی لۆ وەزێ داکەتم کەل و کاشخانان وەزێ داکەتم سەرێ برج و ڤان دیواران وەزێ ب سەر کەلا دلێ خوە دە مژوول ژ خەمان و کولان و دەردان برین ئن ئاخ دە وەی لۆ لۆ لۆ وەی لۆ دیسا بۆمبە و باران ئە هەر دەرێ گرتی مژ و دوومان ئە دیسا نالە-نالا برینداران ئە دەنگێ دایکا تێ ل سەر لۆرکێ وان ئە باڤک ب کەدەر خوە داڤێژنە سەر زارۆکان ئە لێ زارۆک مانە بێ نەفەس، بێ روهـ و بێ جان ئە ئاخ بریندار ئم وەی لۆ لۆ لۆ وەی لۆ هەی لێ لێ؟ وەی لێ لێ، فەرمان ئە ئووی هاوار، هاوار، هاوار، هاوار دیسا ل مە فەرمان ئە ل ژۆر تێتە گرە-گر و هومە-هوما باڤرۆک و تێیاران ئە هەر دەر خستیە ناڤا ئاگر و مژ و دوومان ئە ل ژێر تێتە قیرە-قیرا زارۆکان، هاوارا دایک و باڤان ئە دیسا دیرۆک خوە نوو ڤە دکە وەکە جارەک ژ جاران ئە وەکە دیاربەکر، وەکە پالۆ و گێنج و ئاگری، دێرسم وەکە ماهابات و وەکە بەرزان ئە ئیرۆ دیسا ل دەشتا سلێمانیێ، ل کێلەکا هەندرێ، ل باژارێ هەلەبچێ فەرمانا مە کوردان ئە، فەرمان ئە، فەرمان ئە فەرمان ئە فەرمان ئە فەرمان ئە؟ دیسا هاتن قەلاندن زارۆک و زێچ تەڤ دایک و باڤان ئە ئاخ هاوار، ل مە فەرمان ئە، ل من ئای، ئاخ بریندارێ وە مە، ل من ئۆی ئەرێ هەی لێ لێ، هەرە هەی لۆ لۆ هاوار کوردنۆ هوونێ بکن بلەزینن هوونێ کاخز و پێنووسەکێ ببینن بنڤسینن دنیا ئالەمێ پێ بهەسینن سەرۆک و رێبەرێن کوردا ل هەڤ بینن بلا یەک ب یەک بن ژ هالێ مە رە تشتەکی ژ دنیایێ رە بننڤسینن بلا خەلک و ئالەما پێ بهەسینن دا کو چارەکێ ژ هالێ مە کوردان رە ببینن مە ژ بن ڤێ بندەستیێ دەرینن هاوار هاوار، هاوار، هاوار، هاوار هەیفا کوردستان کو ئیرۆ دشەوتینن ئاگر ل سەرێ مە کوردان دبارینن ئاخ دە ئای ئای، لۆ لۆ ئاخ دە ل من بریندارێ وە مە
Hey gidî dinyayê! Dinya bi xweşî û bi zilm! Ma qey tu tera însana nakî Te însanên xweş û delal çêkirîye û afirandî Bo çi çavê însanan bar û têr nabê Geh li ser te xweş dikin Geh dûman û ewrê reş û tarî bi ser te de dibarînin Hevdu diqelînin Hey gidî însan! Bo çi çavên te têr û bar nabê Ma rûkê dinyayê têra te nakê? Pêr Nagazakî, Hiroşîma Doh li Vietnamê Û îro li Kurdistanê Ma Helepçe hindik e Sal 1988, meha Adarê Gulê Newrozê disa dipişkivîn Ewrên reş û tarî li ser Newrozada hatin Be kêf û şâhî, bê xweşî Newroza disa serê xwe xarkirin Û tovê xwe berda binê erdêda Jibo carek din şîn werin.. Wey lo lo, wey lo lo wey lo Wezê daketim kel û kaşxanan Wezê daketim serê birc û van dîwaran Wezê bi ser kela dilê xwe de mijûl ji xeman û kulan û derdan birîn in ax de wey lo lo lo wey lo Dîsa bombe û baran e Her derê girtî mij û dûman e Dîsa nale-nala birîndaran e Dengê dayika tê li ser lorikê wan e Bavik bi keder xwe davêjine ser zarokan e Lê zarok mane bê nefes, bê ruh û bê can e Ax birîndar im wey lo lo lo wey lo Hey lê lê? wey lê lê, Ferman e ûy hawar, hawar, hawar, hawar Dîsa li me ferman e Li jor tête gire-gir û hume-huma bavirok û têyaran e Her der xistiye nava agir û mij û dûman e Li jêr tête qîre-qîra zarokan, hawara dayik û bavan e Dîsa dîrok xwe nû ve dike weke carek ji caran e Weke Diyarbekir, weke Palo û Gênc û Agirî, Dêrsim Weke Mahabat û weke Berzan e Îro dîsa li Deşta Silêmaniyê, li kêleka Hendirê, li bajarê Helebçê Fermana me Kurdan e, ferman e, ferman e ferman e ferman e ferman e? Dîsa hatin qelandin zarok û zêç tev dayik û bavan e Ax hawar, li me ferman e, li min ay, ax birîndarê we me, li min oy Erê hey lê lê, Here hey lo lo Hawar Kurdno hûnê bikin bilezînin Hûnê kaxiz û pênûsekê bibînin binivsînin Dinya alemê pê bihesînin Serok û rêberên Kurda li hev bînin Bila yek bi yek bin ji halê me re tiştekî ji dinyayê re binnivsînin Bila xelk û alema pê bihesînin Da ku çarekê ji halê me Kurdan re bibînin Me ji bin vê bindestiyê derînin hawar hawar, hawar, hawar, hawar Heyfa Kurdistan ku îro dişewitînin Agir li serê me Kurdan dibarînin ax de ay ay, lo lo ax de li min birîndarê we me