ئەرێ زێڕی هەژدە عەیارە نیولیرەی پەهلەوییە
خاڵێک لەسەر لێوێتی لە هیچکەس مەعلووم نییە
جا خودا بۆخۆی دەیزانێ ئەو دڵەم زەلیلی وییە
کوا جوانێکی وەک ئەستێ دەڵێن خوشکێ حوسنییە
ماڵیان لە گۆشەی سابڵاغە و لە کن چرا بەرقییە
ئەرێ قاسپەی دێ دەڵێی کەوە هەی هەنییەت مانگی سێ شەوە
بەندان دەڵێین پێکەوە
سینگت تەڵای دەست هەوشار مەمکت گەنجی بادەوە
سۆفی محەممەد گوێت لێ بێ مەعنام بۆ لێک بدەوە
شادیمانی کوڕتە لە سەربازێ بێتەوە
چەند سەید و مەلا و قازی پیلم بڕن بە وەکازی
سوێندم بە حوسێنی غازی بەو جورەی نابم ڕازی
ئەوشۆ شادیمانییە بێتەوە لە سەربازی
بەژنت زۆر بە گێچەڵە گەرنت بڕنووی ئەووەڵە
زارت سەعاتی زەنگییە سینگت کورسی و سەندەڵە
دەبەر ئەو بەژنەی دەمرم لێم بووەتە بڕنووی قووڵە
ئەوە سڵامەتێ کێیە سڵامەتێ کاک زەینەڵە
خۆش بێ ئای مرادخانی چونکی ئەوت دەگەڵە
هەنار و سێو و هەرمێ عەرزم کردووە گوێی لێ بێ
با لە بەندم حاڵی بێ
قەرەخدری پێشکێش تا دەگاتە میشەدێ
ئەوشۆ شاباشی دامێ سڵامەتێ ئاغای ماملێ
چیتی عەمبەرەپۆیە وەک قەندی کڵۆکڵۆیە
ڕاستە یانە درۆیە ئەمە چاومان لە تۆیە
سینگت کارگی سامڕەندان مەمکت کارگی نێولۆیە
هیچ قسەی ڕاستی بۆ من نییە هەر فریودان و نۆلۆیە
ئەوشۆ شاباشی دامێ سڵامەتێ ئای ماملێیە
هاڕەی دێ وەک تەیارە قاسپەی دێ دەڵێی کەوە
سینگت تەڵای دەست هەوشار مەمکت گەنجی بادەوە
یانە یەکسەر بمکوژە یانە ڕەگەڵم کەوە
سڵامەتێ ئاغای ماملێ لە وەتاغێ هاتەوە
ئەرێ بابم گلەییێ مەکە چوونکی دەنگم نووساوە
بەندەکەم بۆ یەک نابێ ئاوەدان بێ میشەدێ
حەرزم کردووە گوێی لێ بێ
یەکی چکۆلەی مێرمنداڵ با شەققەی سەودامان بێ
هەموو سڵامەتێ تۆیە هەر خۆش بێ ئاغای ماملێ
ئەرێ قەڵا و خورگە و خەڕیناوا لە کلەی دوو ماچم داوە
سڵامەتێ ئاغای ماملێ لێرە بەزمم داناوە
گوێت لە من بێ مرادخانی چ کەڵەکت داناوە
شریتەکەت سەت و بیستە بە قورئان بۆت داناوە
ئەرێ قەرەخدری بە پێشکێش تا دەگاتە میشەدێ
پیاو تا بەیانی بیمژێ زەحمەتە لێی وەڕەز بێ
ئەوشۆ زۆری ماندوو کردم بەندەکەم بۆ یەک نابێ
هەموو سڵامەتێ کێیە هەر خۆش بێ ئاغای ماملێ
ئەرێ گۆزەی هەڵگرت بۆ کانی نامەوێ زیندەگانی
ئەگەر درۆیێ دەکەم یاخودا مووم بێ لە زمانی
سڵامەتێ ئاغای ماملێ بۆ وی دەڵێم گۆرانی
یاخودا بەخێرێتەوە بولبولی کوردستانی
ئەرێ تیری سەر بە پەیکانە بەو عەرزە و بەو ئاسمانە
چاوی دەڵێی وەزیرە هۆ برۆی دەڵێی سوڵتانە
سڵامەتێ ئاغای 'ماملێ' بۆی دەڵێم لەو بەندانە
یاخودا بەخێرێتەوە بولبولی کوردستانە
Erê zêrî hejde ’eyare nîwlîrey pehlewîye
Xalêk leser lêwêtî le hîçkes me’lûm nîye
Ca xuda boxoy deyzanê ew dilem zelîlî wîye
Kwa cwanêkî wek estê delên xuşkê husnîye
Malyan le goşey sablaxe û le kin çira berqîye
Erê qaspey dê delêy kewe hey henîyet mangî sê şewe
Bendan delêyn pêkewe
Sîngit telay dest hewşar memkit gencî badewe
Sofî mihemmed gwêt lê bê me’nam bo lêk bidewe
Şadîmanî kurte le serbazê bêtewe
Çend seyd û mela û qazî pîlim birn be wekazî
Swêndim be husênî xazî bew curey nabim razî
Ewşo şadîmanîye bêtewe le serbazî
Bejinit zor be gêçele gerinit birnûy ewwele
Zarit se’atî zengîye sîngit kursî û sendele
Deber ew bejney demirim lêm buwete birnûy qûle
Ewe silametê kêye silametê kak zeynele
Xoş bê ay miradxanî çunkî ewt degele
Henar û sêw û hermê ’erzim kirduwe gwêy lê bê
Ba le bendim halî bê
Qerexdirî pêşkêş ta degate mîşedê
Ewşo şabaşî damê silametê axay mamlê
Çîtî ’emberepoye wek qendî kilokloye
Raste yane diroye eme çawman le toye
Sîngit kargî samrendan memkit kargî nêwloye
Hîç qisey rastî bo min nîye her firîwdan û noloye
Ewşo şabaşî damê silametê ay mamlêye
Harey dê wek teyare qaspey dê delêy kewe
Sîngit telay dest hewşar memkit gencî badewe
Yane yekser bimkuje yane regelim kewe
Silametê axay mamlê le wetaxê hatewe
Erê babim gileyyê meke çûnkî dengim nûsawe
Bendekem bo yek nabê awedan bê mîşedê
Herzim kirduwe gwêy lê bê
Yekî çikoley mêrmindal ba şeqqey sewdaman bê
Hemû silametê toye her xoş bê axay mamlê
Erê qela û xurge û xerînawa le kiley dû maçim dawe
Silametê axay mamlê lêre bezmim danawe
Gwêt le min bê miradxanî çi kelekit danawe
Şirîteket set û bîste be qur’an bot danawe
Erê qerexdirî be pêşkêş ta degate mîşedê
Pyaw ta beyanî bîmjê zehmete lêy werez bê
Ewşo zorî mandû kirdim bendekem bo yek nabê
Hemû silametê kêye her xoş bê axay mamlê
Erê gozey helgirt bo kanî namewê zîndeganî
Eger diroyê dekem yaxuda mûm bê le zimanî
Silametê axay mamlê bo wî delêm goranî
Yaxuda bexêrêtewe bulbulî kurdistanî
Erê tîrî ser be peykane bew ’erze û bew asmane
Çawî delêy wezîre ho biroy delêy sultane
Silametê axay 'mamlê' boy delêm lew bendane
Yaxuda bexêrêtewe bulbulî kurdistane
Mela Husên Ebdulazade