Çengîz Sîgarçî
بە چاوی من ئەگەر جوانی وڵاتی کورد تەماشا کەی مەحاڵە تاقە ڕۆژێکیش بەبێ ئەو خاکە هەڵ ناکەی گڵی سوورمەی دوو چاوان و لە زەمزەم خۆشترە ئاوی دڵت فێنک دەکا یەکجار شنەی کوێستان و سەحراکەی کەلاوە کۆنی ئێرەت بێ تەواوی هەندەران دێنێ دڵت خۆش نێ بە تاراوگە و شەقام و کۆشک و ویلاکەی خوڕەی کانیاوی مۆسیقای ئەوین و ژیانەوەی نوێیە دەکێشن دەسری سەرچۆپی کوڕادە و پنگ و بیزاکەی ڕەوەز وانەی وەفاداری دەبێژێ بۆ هەڵۆکانی چیا سەربەرز و خۆڕاگر دەبەخشێ جوانی بەو خاکەی شلێر سوجەدەی ئەوینی خۆی لە پێناو خاکی کورد دادا نیشانی دا ئەوین هەردەم دەبێ ڕوحی بە فیدا کەی دەبێژن دەرسی ئازادی کوڕانی نیشتمانی من لە ڕۆژی غیرەت و هەڵوێست تەماشا کیژە ئازاکەی کەچی فرچک بە غەم دەگرێ بەڵام خۆزگە و حەزی بەرزن دەکا گیانی فیدای خاکی لە پێناو، بیر و بڕواکەی لە چاوی پیس بە دوور بێ یاڕەبی خاکی وڵاتی کورد کە نرخی گیانی 'کاوە'ش بێ، خودا ئەم خاکە ئاوا کەی
Be çawî min eger cwanî wilatî kurd temaşa key Mehale taqe rojêkîş bebê ew xake hel nakey Gilî sûrmey dû çawan û le zemzem xoştire awî Dilit fênk deka yekcar şiney kwêstan û sehrakey Kelawe konî êret bê tewawî henderan dênê Dilit xoş nê be tarawge û şeqam û koşk û wîlakey Xurey kanyawî mosîqay ewîn û jyanewey nwêye Dekêşin desrî serçopî kurade û ping û bîzakey Rewez waney wefadarî debêjê bo helokanî Çya serberz û xoragir debexşê cwanî bew xakey Şilêr sucedey ewînî xoy le pênaw xakî kurd dada Nîşanî da ewîn herdem debê ruhî be fîda key Debêjin dersî azadî kuranî nîştimanî min Le rojî xîret û helwêst temaşa kîje azakey Keçî firiçk be xem degrê belam xozge û hezî berzin Deka gyanî fîday xakî le pênaw, bîr û birwakey Le çawî pîs be dûr bê yarebî xakî wilatî kurd Ke nirxî gyanî 'kawe'ş bê, xuda em xake awa key