Azad Xanaqînî
هەموو شتەکانیان پێیە ئێوە نەبێ پووزەوانەی بێ قاچ و چاوەزاری شکاوی سەر دەرگای فیردەوسەکانیان بار کردووە لەوێوە لە وڵاتی بیابانەوە دێنەوە دێنەوە دێنەوە دێنەوە ئێوەیان لەگەڵدا نین ئاخ بە ناوی ئێوەوە مەملەکەتێک لە ژێر لمدا میرنشینێکی بێ میر و بەبێ ڕایەن*؟؟؟ وڵاتێکی بێ ئاڵا و سروودی نیشتمانی ئا لەوێدا لەو سەحرایەدا*؟؟؟ قافڵەکانی لەوێوە لە مەملەکەتی لمەوە بۆ ئێرەی بێ ئاگر و ئێرەی بێ باران دێنەوە قافڵەکان قافڵەکان پڕن لە مێعراج و فانووس و داری عوود پڕن لە نوقڵ و مێوژی شەوە پیرۆزەکانی ئێرە شەوانی بەراتی ئێوە نەبێ گەڵا یادەکانیان بار کردووە نووزە و هەنسکی ئێوە نەبێ هەموو تابلۆکانیان هەڵگرتووە پۆرترێتی ڕووی مەلوولی ئێوە نەبێ قافڵەکان قافڵەکان هێندە بێ مروەتن کە دێنەوە گەرمترین هەواڵی دنیایان پێیە دواخەبەری ماڵئاوایی ئێوە نەبێ ئێوە کە گەیشتنە ئەوێ هێشتاکە بۆنی ڕەیحانە و بۆنی مێخەکتان لێ دەهات ئێوە کە گەیشتنە ئەوێ بیابان بە هاوارەکانی خۆی وت سەرنجێ لەم گوڵە حەسرەتیانە بدەن دەڵێی تازە لە ناو بەهەشتەوە هاتوون کە گەیشتن گۆرانیتان بیر چووبووەوە بە ناو درزەکانی زەمیندا بە چرای حوزنەوە بۆ قومێ خۆشەویستی بۆ چنگێ هەوری سەبووری دەگەڕان *؟؟؟= ئەو وشانەمان بۆ ساغ نەبووەتەوە، تکایە ئەگەر دەیزانن بۆمانی بنووسن سپاس
Hemû şitekanyan pêye êwe nebê Pûzewaney bê qaç û çawezarî şikawî ser dergay fîrdewsekanyan bar kirduwe Lewêwe le wilatî byabanewe dênewe dênewe dênewe dênewe êweyan legelda nîn ax Be nawî êwewe memleketêk le jêr limda Mîrinşînêkî bê mîr û bebê rayen*??? Wilatêkî bê ala û sirûdî nîştimanî a lewêda lew sehrayeda*??? Qaflekanî lewêwe le memleketî limewe bo êrey bê agir û êrey bê baran dênewe Qaflekan qaflekan Pirn le mê’rac û fanûs û darî ’ûd Pirn le nuqil û mêwjî şewe pîrozekanî êre Şewanî beratî êwe nebê gela yadekanyan bar kirduwe Nûze û heniskî êwe nebê hemû tablokanyan helgirtuwe Portirêtî rûy melûlî êwe nebê Qaflekan qaflekan Hênde bê mirwetin ke dênewe Gerimtirîn hewalî dinyayan pêye Dwaxeberî mal’awayî êwe nebê Êwe ke geyştine ewê hêştake bonî reyhane û bonî mêxektan lê dehat Êwe ke geyştine ewê byaban be hawarekanî xoy wit Serincê lem gule hesretyane biden delêy taze le naw beheştewe hatûn Ke geyştin goranîtan bîr çûbuwewe Be naw dirzekanî zemînda be çiray huznewe Bo qumê xoşewîstî Bo çingê hewrî sebûrî degeran *???= ew wişaneman bo sax nebuwetewe, tikaye eger deyzanin bomanî binûsin Sipas