Ednan Kerîm
شەو ڕاشکا ئەژنۆم شل بوو مانگ بە تاقی ئاسمانەوە هەڵپڕووکا. دەرگەکەتم لێ بکەوە ئەمشەو هاتووم بۆ چنینی چەپکە نێرگزێکی چاوت بۆ وچانێ بۆ خەونێ، تۆزە گریانێ، لەسەر هەوری قژی خاوت... ئەمشەو هاتووم، ترووسکایی شاری یادگار بانگی کردووم لەگەڵ سیمای مناڵیما لەگەڵ خەمی شۆڕەبیما هاتووم و ناگەڕێمەوە. یا پێت دەگەم یا وەک مۆمێک دەسووتێم و دەتوێمەوە... دەرگەکەتم لێ بکەوە هەر دڵدارەکەی جارانم هەر کێڵگەکەی بەردەرگەتم هەر تینووەکەی بەر کڕێوە و با و بارانم... دەرگەکەتم لێ بکەوە من ئەو کەسەم تا دوێنێ بوو لەناو گەرووی ڕووناکیدا دەتشاردمەوە لەناو جامی مەترسیدا دەتخواردمەوە... دەرگەکەتم لێ بکەوە. کفت و مانووی ڕێگەی دوورم وەکوو جاران کەمێک لە لات دەمێنمەوە و ڕادەبوورم... هۆنراوە: #عەبدوڵڵا_پەشێو
Şew raşika ejnom şil bû Mang be taqî asmanewe helpirûka Dergektim lê bikewe emşew hatûm Bo çinînî çepke nêrgizêkî çawit Bo wiçanê Bo xewnê, toze giryanê Le ser hewrî qijî xawit emşew hatûm Tirûskayî şarî yadgar bangî kirdûm Le gel sîmay minalîma Le gel xemî şorebîma Hatûm û nagerêmewe Ya pêt degem Ya wek momêk Desûtêm û detwêmewe dergeketim lê bikewe Her dildarkey caranim Her kêlgekey ber dergetim Her tînûekey ber kirêwe û ba û baranim dergektim lê bikewe Min ew kesem Ta dwênê bû Le naw gerûy rûnakîda detşardimewe Le naw camî metrisîda detxwardimewe dergektim lê bikewe Kift û manûy rêgey dûrim Wekû caran Kemêk le lat demênmewe û radebûrim