Hesen Heyas
ت چۊ بەڕەزاێ تەرک تازە ڕەوز کیشایدە لە سەر ئەوریشم سەوز هەر شەو شەماڵ تێ دەێ لە دەماخد وە شەونم شورێ پەلوەچ و شاخد چۊ گڵا لە جەور زەلان ڕزیامە چۊ داوڵ لە برجْ خوەر داڕزیامە چۊ نان کەفتێ کووانێ سزیامە وێنەێ پەتەسوو پەت پەت سزیامە ت چۊ بەڕەزاێ تەرک تازە ڕەوز کیشایدە لە سەر ئەوریشم سەوز هەر شەو شەماڵ تێ دەێ لە دەماخد وە شەونم شورێ پەلوەچ و شاخد وەڵنگە وشکەگەی سەر لەلی شیویای لە هەناسەی سەرد گەرمەسێر سزیای نامەوقە وشک بی، بی تاوان ڕزیای یا ڕەبی هۊچ کەس چۊ من وەپی نای ت چۊ بەڕەزاێ تەرک تازە ڕەوز کیشایدە لە سەر ئەوریشم سەوز هەر شەو شەماڵ تێ دەێ لە دەماخد وە شەونم شورێ پەلوەچ و شاخد بێگانە لە خوەم بێزار لە خێشم کەس نیەکەێ مەڵهەم دەردەیل ڕیشم ئەگەر بزانم ڕووژێ پەل کیشم سەد ساڵ سییە وەێ دەردەو نیشم ت چۊ بەڕەزاێ تەرک تازە ڕەوز کیشایدە لە سەر ئەوریشم سەوز هەر شەو شەماڵ تێ دەێ لە دەماخد وە شەونم شورێ پەلوەچ و شاخد دارە پیرەگەێ پۊتار لە جەورم ڕەنگ پەڕی لە خەوف هزاران تەورم وا هێڵانەگەێ پایز کرد خەورم پف کردەو میلکان گەڵاێ چۊ بەورم ت چۊ بەڕەزاێ تەرک تازە ڕەوز کیشایدە لە سەر ئەوریشم سەوز هەر شەو شەماڵ تێ دەێ لە دەماخد وە شەونم شورێ پەلوەچ و شاخد ڕووژگار سەرد زەمانەێ ناجوور وازی چەواشەێ چارەنۊس کوور پەلوەچم شکان، ساقم کرد کولوور کردم وە ماواێ مار و مەل و موور ت چۊ بەڕەزاێ تەرک تازە ڕەوز کیشایدە لە سەر ئەوریشمْ سەوز هەر شەو شەماڵ تێ دەێ لە دەماخد وە شەونم شورێ پەلوەچ و شاخد ئەگەر چۊ وەهار بۊدە میەوانم نەسیم هەناس وەرد بەی لە گیانم لە خەێاڵم بووەێ جزر زمسانم مەر ئەوسا سەوز بوو چەتر و سەێوانم ت چۊ بەڕەزاێ تەرک تازە ڕەوز کیشایدە لە سەر ئەوریشم سەوز هەر شەو شەماڵ تێ دەێ لە دەماخد وە شەونم شوورێ پەلوەچ و شاخد
Ti çwî berezay terk taze rewz Kîşayde le ser ewrîşim sewz Her şew şemal tê dey le demaxid We şewnim şurê pelweç û şaxid çwî gela le cewr zelan rizyame çwî dawel le birc xwer darzyame çwî nan keftê kuwanê sizyame Wêney petesû pet pet sizyame Ti çwî berezay terk taze rewz Kîşayde le ser ewrîşim sewz Her şew şemal tê dey le demaxid We şewnim şurê pelweç û şaxid Welinge wişkegey ser lelî şîwyay Le henasey serd germesêr sizyay Namewqe wişk bî, bî tawan rizyay Ya rebî hwîç kes çwî min wepî nay Ti çwî berezay terk taze rewz Kîşayde le ser ewrîşim sewz Her şew şemal tê dey le demaxid We şewnim şurê pelweç û şaxid Bêgane le xwem bêzar le xêşim Kes niyekey melhem derdeyl rîşim Eger bizanim rûjê pel kîşim Sed sal sîye wey derdew nîşim Ti çwî berezay terk taze rewz Kîşayde le ser ewrîşim sewz Her şew şemal tê dey le demaxid We şewnim şurê pelweç û şaxid Dare pîregeê putar le cewrim Reng perî le xewf hizaran tewrim Wa hêlanegeê payîz kird xewrim Pif kirdew mîlkan gelaê çwî bewrim Rûjgar serd zemaney nacûr Wazî çewaşey çarenus kûr Pelweçim şikan, saqim kird kulûr Kirdim we maway mar û mel û mûr Ti çwî berezay terk taze rewz Kîşayde le ser ewrîşim sewz Her şew şemal tê dey le demaxid We şewnim şurê pelweç û şaxid Eger çwî wehar bude myewanim Nesîm henas werd bey le giyanim Le xeyalim buwey cizir zimsanim Mer ewsa sewz bû çetir û seywanim Ti çwî berezay terk taze rewz Kîşayde le ser ewrîşim sewz Her şew şemal tê dey le demaxid We şewnim şurê pelweç û şaxid