Miryem Xanesaz
ڕۆڵە کۆرپەکەم ئارامی گیانم خونچەی گوڵزاری باخچەی ژیانم جگەرگۆشەکەم، بەرهەمی ژینم سەروەت و ماڵم، ئایین و دینم هێز و تەوژمم بینای چاوانم هاودەنگی بەزمی ڕۆژ و شەوانم ڕۆڵە گیان مەگری مەگرە بەهانە بنوو درەنگە بەری بەیانە هەی لایە لایە کۆرپەی ساوایە کوێر بێ ئەو چاوەی بۆ تۆ هەڵنایە هەرچەن تۆ دەگری جەرگم کەبابە من بۆ تۆ چۆنم، تۆش بۆ من وا بە هەتا ئێستاکە منداڵی وردی خەڵف و نەمامی بێستانی کوردی هیوام زۆر پێتە وەک باب و کاکت ببیە سەربازی نەتەوە و خاکت باب و باپیرت، خزم و کەس و کار زۆریان کێشاوە مەینەت و ئازار زانا و خوێندەوار، چاو و دڵ تێر بی ڕۆژی تەنگانە پڵنگ و شێر بی تۆش وەک ئەوان بە؛ نەترس و نەبەز بازی کێوی بە! نە کەوی قەفەس هەی لایە لایە کۆرپەی ساوایە قەزات لە گیانم تاقانەی دایە
Role korpekem aramî gyanim Xunçey gulzarî baxçey jyanim Cigergoşekem, berhemî jînim Serwet û malim, ayîn û dînim Hêz û tewjimim bînay çawanim Hawdengî bezmî roj û şewanim Role gyan megrî megre behane Binû direnge berî beyane Hey laye laye korpey sawaye Kwêr bê ew çawey bo to helnaye Herçen to degrî cergim kebabe Min bo to çonim, toş bo min wa be Heta êstake mindalî wirdî Xelf û nemamî bêstanî kurdî Hîwam zor pête wek bab û kakit Bibye serbazî netewe û xakit Bab û bapîrit, xizim û kes û kar Zoryan kêşawe meynet û azar Zana û xwêndewar, çaw û dil têr bî Rojî tengane piling û şêr bî Toş wek ewan be; netirs û nebez Bazî kêwî be! ne kewî qefes Hey laye laye korpey sawaye Qezat le gyanim taqaney daye