Tahîr Tofîq
گوڵی سەربەستی، گوڵی سەربەستی گەلێک شیرینتر لە خونچەی بەهار نازکتر، جوانتر لە شەوبۆی نازدار گەشتر لە دیدەی وەنەوشەی نزار گوڵێکە ناوی گوڵی سەربەستی مەردە ئەو گەلەی بگاتە دەستی گوڵی سەربەستی ئەی هێزی گیانم ڕۆشن کەرەوەی ڕیگەی ژیانم تۆم نەبێ من خۆم بە هیچ نازانم تۆم نەبێ هەرگیز ناحەسێمەوە بێ بۆنی خۆشت نابوژێمەوە بۆچی ڕەنگی تۆ وەک گوڵی سوورە ئەو هۆزەی کە تۆی تیا بی جەسوورە عالەم بە بۆنەت زۆر پشت ئەستوورە دیارە تەلیسمی بەزری ژیانی گەلێک کێش ئەکەی بۆ کامەرانی بەڵام نرخی تۆ یەگجار گرانە کڕیارت کوشتە و جێگەی زیندانە خوێنی خۆم بۆ تۆ زۆر لا هەرزانە سەرم بەخت ئەکەم تۆی پێ ئەسێنم کە تۆم دەست کەوێ سەربەست ئەنوێنم یاران ببینن ئەم کەژ و دەشتە ئەو لالەزارەی کە وەک بەهەشتە حەیفە وڵاتمان کە جێگەی گەشتە ئەو گوڵە غونچەی تیا نەکاتەوە کوردیش گرەوی تیا نەباتەوە با تەنیا هەر تۆ شاگوڵی من بی سەرچاوەی سۆزی بە کوڵی من بی تۆ تاقە یاری پڕ دڵی من بی شێعرت پیا هەڵدەم بە زبانی خۆم بڵێم دەمێکە شێت و شەیدای تۆم هۆنراوە: زێوەر
Gulî serbestî, gulî serbestî Gelêk şîrîntir le xunçey behar Nazkitir, cwantir le şewboy nazdar Geştir le dîdey wenewşey nizar Gulêke nawî gulî serbestî Merde ew geley bigate destî Gulî serbestî ey hêzî gyanim Roşin kerewey rîgey jyanim Tom nebê min xom be hîç nazanim Tom nebê hergîz nahesêmewe Bê bonî xoşt nabujêmewe Boçî rengî to wek gulî sûre Ew hozey ke toy tya bî cesûre ’alem be bonet zor pişt estûre Dyare telîsmî bezrî jyanî Gelêk kêş ekey bo kameranî Belam nirxî to yegcar girane Kiryarit kuşte û cêgey zîndane Xwênî xom bo to zor la herzane Serim bext ekem toy pê esênim Ke tom dest kewê serbest enwênim Yaran bibînin em kej û deşte Ew lalezarey ke wek beheşte Heyfe wilatman ke cêgey geşte Ew gule xunçey tya nekatewe Kurdîş girewî tya nebatewe Ba tenya her to şagulî min bî Serçawey sozî be kulî min bî To taqe yarî pir dilî min bî Şê’irit pya heldem be zibanî xom Bilêm demêke şêt û şeyday tom Honrawe: zêwer